अंडरवल्र्ड डॉन रवी पुजारी याच्या मुसक्या आवळण्यास मुंबई पोलिसांनी सुरवात केली आहे. एका व्यापाऱ्याकडे दोन कोटींची खंडणी मागणाऱ्या तिघांना गुन्हे शाखेच्या खंडणीविरोधी पथकाने अटक केली आहे तर गुन्हे शाखा ८ नेही रवी पुजारीच्या एका गुंडाला अटक केली आहे.
मुंबई पश्चिम उपनगरातील व्यापाऱ्याकडे दोन कोटी रुपयांची खंडणी मागण्यासाठी गुंड रवी पुजारीने फोन केला होता. त्याचा तपास करताना गुन्हे शाखेच्या खंडणीविरोधी पथकाने तपास करून पुण्यातून समीर सय्यद, अश्रफ सय्यद व इजाज शेख या तीन गुंडाना अटक केली. त्यांच्याकडून चार रिव्हॉल्वर आणि इतर साहित्य जप्त करण्यात आल्याचे वरिष्ठ पोलीस निरीक्षक विनायक वत्स यांनी सांगितले. खंडणी न दिल्यास ठार करण्याचा टोळीचा कट होता.