आरटीओ कर्मचारी बेमुदत साखळी उपोषण करणार

आकृतीबंधाची अंमलबजावणी न करताच महसूल विभागीय बदल्या करण्याचा निर्णय घेतल्याने संघटनेने ऑक्टोबर २०२४ मध्ये तीन दिवस लढा उभारला होता. त्यामुळे परिवहन आयुक्तांनी एक महिन्यात सर्व सेवा प्रवेश नियम मंत्रालयस्तरावर तयार करून घेण्याचे व पदोन्नतीसह इतर सर्व मागण्याही पूर्ण करण्याचे आश्वासन दिले होते. त्यामुळे संघटनेने संप स्थगित केला होता. मात्र प्रलंबित मागण्यांबाबत वर्षभरात कोणतीच ठोस कार्यवाही करण्यात आली नाही.

कालबद्ध पदोन्नती व विभागीय पदोन्नती आदेश तातडीने जारी करण्याचे आश्वास परिवहन आयुक्तांनी परिवहन मंत्र्यांसमोर दिले होते. मात्र या आश्वासनाची पूर्तता न झाल्याने संघटनेने २७ ऑक्टोबरपासून बेमुदत साखळी उपोषण आंदोलन करण्याचा निर्णय घेतला आहे, असे मोटार वाहन विभाग (आरटीओ) कर्मचारी संघटनेने सांगितले.