मालेगाव बॉम्बस्फोट खटल्याची स्थिती काय?; उच्च न्यायालयाची ‘एनआयए’ला विचारणा

मुंबई : मालेगाव येथे २००८ मध्ये झालेल्या बॉम्बस्फोटाशी संबंधित खटला सध्या कोणत्या स्थितीत आहे, आतापर्यंत किती साक्षीदार तपासले, आणखी किती तपासायचे आहेत, अशी विचारणा करून या सगळय़ाचा तपशील सादर करण्याचे आदेश उच्च न्यायालयाने बुधवारी राष्ट्रीय तपास यंत्रणेला (एनआयए) दिले. खटल्यातील आरोपी समीर कुलकर्णी याच्या याचिकेवरील सुनावणीच्या वेळी न्यायमूर्ती रेवती डेरे आणि न्यायमूर्ती व्ही. जी. बिश्त यांच्या खंडपीठाने हे आदेश दिले. तसेच खटल्याची सद्य:स्थिती प्रतिज्ञापत्राद्वारे स्पष्ट करण्यासाठी एनआयएला दोन आठवडय़ांची मुदत दिली.