मुंबई : बारामती, रायगड, कोल्हापूरसह ११ मतदारसंघांमधील मतदानाची अधिसूचना आज, शुक्रवारी जारी केली जाणार आहे. उमेदवारी अर्ज आज, शुक्रवारपासून दाखल करण्यात येणार असले तरी महायुतीत रत्नागिरी-सिंधुदुर्गची जागा भाजप की शिंदे गट लढवणार याचा निर्णय झालेला नाही. त्याचबरोबर साताऱ्यातही भाजपने अद्याप उमेदवार जाहीर केलेला नाही.

तिसऱ्या टप्प्यात मतदान होणाऱ्या मतदारसंघांपैकी रत्नागिरी-सिंधुदुर्ग मतदारसंघ महायुतीतील शिवसेना शिंदे गट लढणार की भाजप? हे अद्यापही निश्चित झालेले नाही. केंद्रीय मंत्री नारायण राणे यांनी प्रचार सभांमधून भाषणे सुरू केली असली तरी भाजपने त्यांची उमेदवारी अधिकृतपणे जाहीर केलेली नाही. रत्नागिरी-सिंधुदुर्ग मतदारसंघावरील दावा सोडण्यास उद्योगमंत्री उदय सामंत यांनी विरोध दर्शविला आहे. कोकणातील या जागेचा तिढा शुक्रवारी किंवा शनिवारी सुटेल, असे भाजपच्या गोटातून सांगण्यात आले.  सातारा मतदारसंघातून उमेदवारीसाठी राज्यसभेचे खासदार उदयनराजे भोसले गुडघ्याला बाशिंग बांधून तयार आहेत. पण भाजपने त्यांची उमेदवारी अधिकृतपणे जाहीर केलेली नाही. उमेदवारी मिळणार हे गृहित धरून भोसले यांनी प्रचार सुरू केला आहे. राज्यसभेचे खासदार असल्याने उदयनराजे यांना उमेदवारी देण्यात भाजपमध्ये आक्षेप आहे.

Maval Lok Sabha, voting,
मावळ लोकसभा मतदारसंघात ५४.८७ टक्के मतदान
Poll Workers, Travel by Boat, Reach Polling Station, Gharapuri, maval lok sabha seat, lok sabha 2024, polling,
मावळ : मतदान केंद्रावर पोहोचण्यासाठी मतदान कर्मचाऱ्यांचा बोटीतून प्रवास
Distribution of tree seeds for environmental awareness in Pimpri Pune print news
पिंपरी: पर्यावरणाबाबत जागृतीसाठी अनोखे हरित मतदान केंद्र, वृक्षांच्या बीजांचे वाटपही होणार
bank late night opening, bank late night opening before polling day, baramati lok sabha seat, bhandara gondia lok sabha seat, bhandara gondia lok sabha By elections, marathi news, bhandara gondia news, marathi news,
बँका उघडण्याचा मुद्दा… भंडारा-गोंदिया पोटनिवडणुकीचे स्मरण
Supriya Sule, polling,
मतदानाच्या पूर्वसंध्येला सुप्रिया सुळेंची मोठी मागणी
Rains in Morshi and Dhamangaon assembly areas
वर्धा: अंतिम आकडेवारीवर अवकाळी पावसाचे सावट
Rural voters are more vigilant than urban ones with an average voter turnout of 60 percent
अकोला : शहराच्या तुलनेत ग्रामीण मतदार अधिक सजग, सरासरी ६० टक्के मतदान; उमेदवारांचे भवितव्य यंत्रात बंद
Elections in eight constituencies today in the second phase in the maharashtra state
आठही मतदारसंघांत चुरशीच्या लढती; दुसऱ्या टप्प्यासाठी आज मतदान

हेही वाचा >>>अजित पवारांना शरद पवारांचं खास शैलीत उत्तर, “बाहेरुन आलेला पवार..

माढा मतदारसंघातून राष्ट्रवादीचा उमेदवार निश्चित झाला नव्हता. पण विजयसिंह मोहिते-पाटील यांचे पुतणे धैर्यशील मोहिते-पाटील यांनी गुरुवारी राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांची भेट घेऊन निवडणूक लढण्याचे जाहीर केले. येत्या रविवारी ते अधिकृतपणे पक्षप्रवेश करणार आहे.

मतदान तपशील

’लोकसभा निवडणुकीच्या तिसऱ्या टप्प्यात ७ मे रोजी राज्यातील रायगड, रत्नागिरी-सिंधुदुर्ग, बारामती, कोल्हापूर, हातकणंगले, सातारा, सोलापूर, माढा, सांगली, उस्मानाबाद, लातूर या ११ मतदारसंघांमध्ये मतदान.

’आज, १२ एप्रिलपासून उमेदवारी अर्ज भरण्यात प्रारंभ, १९ एप्रिल ही अंतिम तारीख.

’पहिल्या टप्प्यात १९ एप्रिल, तर दुसऱ्या टप्प्यात २६ एप्रिलला मतदान.

’पहिल्या दोन टप्प्यांत विदर्भातील सर्व १० आणि मराठवाडय़ातील तीन मतदारसंघांत मतदान.

’१३ आणि २० मे या दोन टप्प्यांमध्ये उर्वरित २४ मतदारसंघांमध्ये मतदान.