मुंबई : दहिसरमध्ये वारकरी शिल्पाची विटंबना; CCTV मध्ये कैद झाला संपूर्ण घटनाक्रम

स्कुटीवरील दोघेजण शिल्पाची विटंबना करत असताना मागे बसलेली व्यक्ती मात्र दूर उभी राहून हा सारा प्रकार पाहताना सीसीटीव्हीमध्ये दिसत आहे. हे काम नक्की कोणी केलं?, हे तिघे जण कोण आहेत यासंदर्भातील तपास पोलीस करत आहेत.

या घटनेवरून आचार्य तुषार भोसले यांनी संताप व्यक्त केला असून आंदोलनाचा इशारा दिलाय. “बोरिवलीमधील दहिसरमध्ये काही नराधमांनी वारकरी शिल्पाची जाणीवपूर्वक पद्धतीने विटंबना केल्याचं स्पष्टपणे दिसत आहे. राज्यातील धर्मविरोधी, देवविरोधी आणि वारकरीविरोधी असल्याने समाजकंटांची अशी हिंमत व्हायला लागली आहे. म्हणून आमचं पोलिसांकडे मागणं आहे की या दोषींना तातडीने शोधलं पाहिजे आणि त्यांच्यावर कठोरात कठोर कारवाई केली पाहिजे. हे झालं नाही तर महापालिकेच्या मुख्यालयासमोर आम्ही तीव्र आंदोलन करु,” असा इशारा दिला भोसले यांनी दिला आहे. तसेच या शिल्पाची तातडीने दुरुस्तीसुद्धा करण्यात यावी असंही भोसले म्हणालेत.