Water supply cut in Mumbai on Wednesday and Thursday due to pipeline work मुंबईत बुधवारी, गुरुवारी पाणीपुरवठा बंद

जलवाहिनीच्या कामानंतर पुढील काही दिवस गढूळ पाणीपुरवठा होण्याची शक्यता आहे.

मुंबई

February 3, 2025 12:47 IST

maintenance work at varhaldevi water purification Center will start on february 15th for bhiwandi

निगा आणि दुरुस्तीच्या कामामुळे ऐन उन्हाळ्यात भिवंडीत पुढील पाच दिवस कमी दाबाने पाणी पुरवठा होणार आहे. (प्रातिनिधीक छायाचित्र file photo )

मुंबई : पवई अँकर ब्लॉक ते मरोशी जलबोगदा (टनेल शाफ्ट) दरम्यान महानगरपालिकेमार्फत नवीन २४०० मिलीमीटर व्यासाची जलवाहिनी टाकण्याचे काम पूर्ण झाले आहे. त्यामुळे १८०० मिलीमीटर व्यासाच्या तानसा पूर्व व पश्चिम या दोन जलवाहिन्यांचा पाणीपुरवठा ५ व ६ फेब्रुवारी रोजी खंडित करून नवीन जलवाहिनी कार्यान्वित करण्याचे काम हाती घेण्यात येणार आहे. त्यामुळे ५ फेब्रुवारी रोजी सकाळी ११ वाजल्यापासून ते ६ फेब्रुवारी रोजी सायंकाळी ५ वाजेपर्यंत, म्हणजेच एकूण ३० तास पालिकेच्या एस, एल, के पूर्व , एच पूर्व, आणि जी उत्तर विभागांतील काही परिसरातील पाणीपुरवठा बंद ठेवण्याचा निर्णय पालिकेने घेतला आहे.

संबंधित परिसरातील नागरिकांनी आदल्या दिवशी आवश्यकतेनुसार पाण्याचा साठा करून ठेवावा. तसेच, पाणीपुरवठा बंद असलेल्या कालावधीत पाण्याचा काटकसरीने वापर करावा. जलवाहिनीच्या कामानंतर पुढील काही दिवस गढूळ पाणीपुरवठा होण्याची शक्यता आहे. त्यामुळे खबरदारीचा उपाय म्हणून नागरिकांनी पाणी गाळून व उकळून प्यावे, असे आवाहन महानगरपालिका प्रशासनातर्फे करण्यात आले आहे.

या विभागात पाणीपुरवठा बंद राहणार

१) एस विभाग : श्रीरामपाडा, खिंडीपाडा, तुळशेतपाडा, मिलिंद नगर, नरदास नगर, शिवाजी नगर, मरोडा हिल, भांडुप (पश्चिम), गौतम नगर, फिल्टर पाडा, महात्मा फुले नगर, पासपोली गाव, तानाजीवाडी उदंचन केंद्र, मोरारजी नगर. सर्वोदय नगर, गावदेवी टेकडी. तुळशेतपाडा, टेंभीपाडा, नरदास नगर, रमाबाई नगर १ आणि २ साई हिल जलाशय येथून होणारा पाणीपुरवठा ५ व ६ फेब्रुवारी रोजी पूर्णपणे बंद ठेवण्यात येणार आहे.

एस विभाग – क्वारी मार्ग, प्रताप नगर मार्ग, जंगल मंगल मार्ग, टेंभीपाडा, गावदेवी मार्ग, दत्त मंदीर मार्ग, लेक मार्ग, सोनापूर जंक्शन ते मंगतराम पेट्रोल पंपपर्यंतचा लालबहादूर शास्त्री मार्ग लगतचा परिसर, भांडुप (पश्चिम), शिंदे मैदान जवळील परिसर, प्रताप नगर मार्ग, फुले नगर टेकडी, रामनगर उदंचन केंद्र, रावते कंपाऊंड उदंचन केंद्र, हनुमान टेकडी, अशोक टेकडी (नवीन हनुमान नगर) (६ फेब्रुवारी रोजी पाणीपुरवठा पूर्णत: बंद राहील)

२) एल विभाग : कुर्ला दक्षिण – काजूपाडा, सुंदरबाग, नवपाडा, हलावपूल, न्यू मील मार्ग, कपाडिया नगर, नवीन म्हाडा वसाहत, परिघखाडी, तकिया वॉर्ड, महाराष्ट्र काटा, गफुर खान इस्टेट, पाईप लाईन मार्ग, लालबहादूर शास्त्री मार्ग (पूर्व व पश्चिम), क्रांती नगर, संभाजी चौक, रामदास चौक, अण्णा सागर मार्ग (५ फेब्रुवारी रोजी पाणीपुरवठा पूर्णत: बंद राहील)

एल विभाग : कुर्ला उत्तर – ९० फीट रोड, कुर्ला – अंधेरी मार्ग, जरीमरी, घाटकोपर – अंधेरी जोडरस्ता, साकीविहार मार्ग, मारवा उद्योग मार्ग भाग, सत्यनगर पाईपलाईन (६ फेब्रुवारी रोजी पाणीपुरवठा पूर्णत: बंद राहील)

Also Read

वैद्यकीय अधिकारी २४ वर्षांपासून पदोन्नतीच्या प्रतीक्षेत, अनेकजण पदोन्नतीशिवायच निवृत्त

३) जी उत्तर विभाग : धारावी मुख्य मार्ग, गणेश मंदीर मार्ग, दिलीप कदम मार्ग, जस्मीन मील मार्ग, माहीम फाटक, ए. के. जी. नगर ( ५ फेब्रुवारी रोजी पाणीपुरवठा पूर्णत: बंद राहील)

जी उत्तर विभाग : जस्मिन मील मार्ग, माटुंगा लेबर कॅम्प, संत रोहिदास मार्ग, ६० फीट मार्ग, ९० फीट मार्ग, संत कक्कया मार्ग, एम. पी. नगर धोरवडा, एम. जी. मार्ग, धारावी लूप मार्ग, ए. के. जी. नगर ( ६ फेब्रुवारी रोजी पाणीपुरवठा पूर्णत: बंद राहील)

४) के पूर्व विभाग : विजय नगर मरोळ, मिलीट्री मार्ग, वसंत ओॲसिस, गावदेवी, मरोळ गाव, चर्च रोड, हिल व्ह्यू सोसायटी, कदमवाडी, भंडारवाडा, उत्तम ढाबा *(५ फेब्रुवारी रोजी पाणीपुरवठा पूर्णत: बंद राहील)

के पूर्व विभाग : ओमनगर, कांतीनगर, राजस्थान सोसायटी, साई नगर (तांत्रिक क्षेत्र) सहार गाव, सुतारपाखाडी (पाईपलाईन क्षेत्र) ( ६ फेब्रुवारी रोजी पाणीपुरवठा पूर्णत: बंद राहील)

के पूर्व विभाग : आंतरराष्ट्रीय विमानतळ व सिप्झ- मुलगाव डोंगरी, एम. आय. डी. सी., मार्ग क्रमांक १ ते २३, ट्रान्स अपार्टमेंट, कोंडीविटा, महेश्वरी नगर, उपाध्याय नगर, ठाकूर चाळ, साळवे नगर, भवानी नगर, दुर्गापाडा, मामा गॅरेज ( ५ व ६ फेब्रुवारी रोजी पाणीपुरवठा पूर्णत: बंद राहील)