मुंबई : महानगरपालिका प्रशासनाने पालिकेच्या ई विभागातील पाणीपुरवठा योग्य आणि सुरळीत करण्यासाठी विविध कामे हाती घेतली आहेत. याअंतर्गत डॉकयार्ड मार्गाजवळील नवानगर येथील १२०० मिलीमीटर व्यासाची जुनी जलवाहिनी बंद करून, त्याजागी सारख्याच क्षमतेची नवीन जलवाहिनी टाकण्याचे नियोजन पालिकेने केले आहे. तसेच, भंडारवाडा जलाशयाचा कप्पा – १ वरील ९०० मिलीमीटर व्यासाचे जुने जलद्वार काढून नवीन जलद्वार बसविण्यात येणार आहे. संबंधित कामे २८ मे रोजी सकाळी १० पासून सुरू करण्यात येणार आहेत. या कामांसाठी २४ तासांचा कालावधी लागण्याची शक्यता असल्याने बुधवारी सकाळी १० ते गुरुवारी सकाळी १० या कालावधीत ‘ए’, ‘बी’, ‘ई’ आणि ‘एफ दक्षिण’ विभागांतील काही भागांत पाणीपुरवठा पूर्णपणे बंद ठेवण्यात येणार आहे. काही भागातील पाणीपुरवठा अंशत: बंद राहील.
नागपाडा, मुंबई सेंट्रल, भायखळा, नूरबाग, डोंगरी, काळाचौकी, चिंचपोकळी, संबंधित परिसरातील नागरिकांनी दुरुस्ती कालावधीत पाण्याचा जपून वापर करावा, असे आवाहन पालिकेतर्फे करण्यात आले आहे. जलवाहिनीच्या कामानंतर संबंधित परिसरांमध्ये पुढील दोन दिवस कमी दाबाने व गढूळ पाणीपुरवठा होण्याची शक्यता असल्याने खबरदारीचा उपाय म्हणून नागरिकांनी पाणी गाळून व उकळून पिण्याचेही आवाहन महापालिका प्रशासनाने केले आहे.
या भागांमध्ये पाणीपुरवठा बंद राहणार
१) ए विभाग : नेव्हल डॉकयार्ड परिक्षेत्र- सेंट जॉर्ज रुग्णालय, पी. डि’मेलो मार्ग, रामगड झोपडपट्टी रिझर्व्ह बँक (आर. बी. आय.), नेव्हल डॉकयार्ड, शहीद भगतसिंग मार्ग, मुख्य टपाल कार्यालय (जी. पी. ओ,) जंक्शन पासून रिगल चित्रपटगृहापर्यंत (२८ मे रोजी पाणीपुरवठा पूर्णत: बंद राहील)
२) बी विभाग : बाबूला टँक परिक्षेत्र – मोहम्मद अली मार्ग, इब्राहिम रहिमत्तुला मार्ग, इमामवाडा मार्ग, इब्राहिम मर्चंट मार्ग, युसूफ मेहेर अली मार्ग, पीरु गल्ली, नारायण धुरु, अब्दुर रहेमान मार्ग, नाकोडा, कोलसा (२९ मे रोजी पाणीपुरवठा पूर्णत: बंद राहील) डोंगरी ‘ब’ येथील परिक्षेत्र तांडेल, टनटनपूर, मोहम्मद उमर कोकील मार्ग, वाय. एम. मार्ग, खडक, इजराईल मोहल्ला, व्ही. व्ही. चंदन, दर्यास्थान, धोबी शेरीफ देवजी, रघुनाथ महाराज, ओल्ड बंगालीपुरा भंडारी, आचार्य चंद गांधी मार्ग, निशाणपाडा, मशीद बंदर, लोकमान्य टिळक टर्मिनस (एल. टी. टी.) मार्ग, नूरबाग, डोंगरी, रामचंद्र भट मार्ग, सॅम्युअल स्ट्रीट, केशवजी नाईक मार्ग, नरसी नाथा स्ट्रीट (२९ मे रोजी पाणीपुरवठा पूर्णत: बंद राहील) डोंगरी ‘अ’ परिक्षेत्रातील उमरखाडी, नूरबाग चिंचबंदर, कारागृह मार्ग, वालपाखाडी, आनंदराव सुर्वे मार्ग, माहेश्वरी मार्ग, केशवजी नाईक, निशाणपाडा पथ, पॅल्क मार्ग, नौरोजी हिल तांडेल, समंथाभाई नानजी मार्ग, रामचंद्र भट मार्ग, समताभाई नानजी मार्ग, शायदा मार्ग, नूरबाग आणि डॉ. महेश्वरी मार्ग, संपूर्ण मुंबई पोर्ट ट्रस्ट (बी. पी. टी.) परिक्षेत्र, पी. डि’मेलो मार्ग, मध्य रेल्वे – रेल्वे यार्ड (२८ मे रोजी पाणीपुरवठा पूर्णत: बंद राहील)
३) ‘ई’ विभाग – ना. म. जोशी मार्ग, मदनपुरा, बदलूपुरा, नागपाडा, शेख हाफिजुद्दीन मार्ग, गणेश हरी पारुंडेकर मार्ग, पाईस स्ट्रीट, मुसा किल्लेदार स्ट्रीट, एम. एस. अली मार्ग, एम. ए. मार्ग, टँक पाखाडी मार्ग, क्लेअर मार्ग, सोफिया जुबेर मार्ग, भायखळा (पश्चिम), बी. जे. मार्ग, के. के. मार्ग (२९ मे रोजी पाणीपुरवठा पूर्णत: बंद राहील) मुंबई सेंट्रल भागातील एम. एस. अली मार्ग, बेलासिस मार्ग, कामाठीपुरा, एस. पी. मार्ग, शुक्लाजी स्ट्रीट, मनाजी राजूजी मार्ग, आग्रीपाडा (२९ मे रोजी कमी दाबाने पाणीपुरवठा होईल) डिमटिमकर मार्ग , उंद्रिया स्ट्रीट, खांडिया स्ट्रीट, टेमकर स्ट्रीट, शेख कमरुद्दीन स्ट्रीट, मस्तान टँक मार्ग, टँक स्ट्रीट, काझिपुरा, डंकन मार्ग, जे. जे. मार्ग (२९ मे रोजी पाणीपुरवठा पूर्णत: बंद राहील)
४) एफ दक्षिण पाणीपुरवठा – दत्ताराम लाड मार्ग, डॉ. बाबासाहेब आंबेडकर मार्ग, भाई बाल मुकुंद मार्ग, काळाचौकी, चिंचपोकळी, टी. बी. कदम मार्ग (२९ मे रोजी कमी दाबाने पाणीपुरवठा राहील) म्हातारपाखाडी मार्ग, सेंट मेरी मार्ग, नेसबीट मार्ग, ताडवाडी रेल्वे कुंपण, शिवदास चापसी मार्ग (२९ मे रोजी पाणीपुरवठा पूर्णत: बंद राहील) माझगाव कोळीवाडा, नरसू नाखवा मार्ग, ब्रम्हदेव खोट मार्ग, दर्गा गल्ली, हॉस्पिटल गल्ली, चर्च गल्ली, बेकर गल्ली, नवाब टँक पूल, बॅरिस्टर नाथ पै मार्ग, डिलिमा स्ट्रीट, कासार गल्ली, लोहारखाता, कोपरस्मीथ मार्ग (२८ मे रोजी पाणीपुरवठा पूर्णत: बंद राहील) हातीबाग, शेठ मोतिशहा गल्ली, डी. एन. सिंग मार्ग (२८ मे रोजी पाणीपुरवठा पूर्णत: बंद राहील) जे.जे. रुग्णालय (कमी दाबाने पाणीपुरवठा राहील) रामभाऊ भोगले मार्ग, फेरबंदर नाका, वीरमाता जिजाबाई भोसले उद्यान (राणी बाग), घोडपदेव नाका, म्हाडा संकुल, भायखळा (पूर्व), शेठ मोतिशहा गल्ली, टी. बी. कदम मार्ग, संत सावता मार्ग, डॉ. बाबासाहेब आंबेडकर मार्ग, डॉ. म्हस्कारहन्स मार्ग, डी. पी. वाडी, काळाचौकी, नारियलवाडी, संत सावता मार्ग, चापसी भीमजी मार्ग ( २८ मे रोजी कमी दाबाने पाणीपुरवठा होईल)
