गोंदिया शहरातील मुख्य बाजारात भांडे गोदामाला आग; गोदामातील साहित्य जळून राख

अखेर तीन तासा नंतर या विक्राळ होत असलेल्या आगीवर नियंत्रण मिळविण्यात अग्नीशमन दलाला यश आले. अन्यथा मोठी घटना होण्याची शक्यता होती. या आगी मध्ये गुरुनानक बर्तन भंडार व त्यांचे गोदामातील समान आणि ओम जनरल स्टोअर्स मधील शृंगाराच्या ठेवलेल्या साहित्य जळून त्यांची राख रांगोळी झाली असून लाखो रुपयांचे नुकसान झाले आहे.

हेही वाचा >>>खरीप गेला, आता रब्बी हंगामावर भिस्त; शेतकरी लागले कामाला

तर ही आग कश्यामुळे लागली हे मात्र अद्याप कळू शकले नाही. सध्या शारदा नवरात्र सुरू असून मोठ्या प्रमाणात देवी बघण्यासाठी लोकं मोठ्या प्रमाणात बाजार परिसरात फिरत असल्याने आग लागल्याचे कळताच आग बघण्यासाठी लोकांनी एकच गर्दी केली होती या गर्दीवर नियंत्रण मिळविण्यासाठी पोलिसांना मोठीकसरत करावी लागली. आग लागल्याची घटनेची माहिती कळताच आमदार विनोद अग्रवाल, माजी नगरसेवक दिलीप गोपलानी,नगर परिषदेतील मुख्याधिकारी करण चौहान आदि घटनास्थळी पोहोचले होते. ही आग आटोक्यात आणण्यासाठी गोंदिया नगर परिषद अग्नीशमन दलाच्या लोकचंद भांडारकर, कमल राखडे, सत्यम बिसेन, मोहनिष नागदवणे, जितेंद्र गौर, मुकेश माने, राजेश भरणे,वाहन चालक कावडे, कनसरे, अजय शहारे, रणजित रहांगडाले आदींनी आपले कर्तव्य बजावले. मध्यरात्रीच्या सुमारास ही आग कशी लागली याची आज तपासणी करण्याकरिता मी स्वतः जाणार असल्याचे नगर परिषद अग्नीशमन विभागाचे प्रमुख अधिकारी लोकचंद भांडारकर यांनी लोकसत्ता शी बोलताना सांगितले.