दीक्षाभूमीवर धम्मचक्र प्रवर्तन दिनासाठी ‘सहयोग’ चमू तैनात, हरविलेल्यांना शोधण्यासाठी पोलीसही घेतात मदत

नागपूर : धम्मचक्र प्रवर्तन दिनानिमित्त देशाच्या विविध राज्यातून अनुयायी दीक्षाभूमीवर येतात. लाखो लोकांच्या गर्दीमुळे अनेक लोक हरवतात. या लोकांना मदत करण्यासाठी ‘सहयोग’ संस्थेचे विशेष पथक दीक्षाभूमीवर कार्यरत राहणार आहे. लहान मुले आणि वृद्ध नागरिकांच्या मदतीसाठी ‘सहयोग’चे पथक विशेषत: कार्य करते. १९८९ सालापासून ‘सहयोग’ संस्थेचे लोक दीक्षाभूमीवर सेवा देत आहेत. सहयोग संस्थेच्या कार्याची व्याप्ती बघता दीक्षाभूमीवर तैनात पोलिसही हरविलेल्या लोकांना त्यांच्या नातेवाईकांपर्यंत पोहोचविण्यासाठी  संस्थेची मदत घेतात.