बुलढाणा: भरधाव टिप्परची ऑटोला धडक, विद्यार्थ्याचा मृत्यू; सहा जखमी

भरधाव टिप्परने ऑटोला धडक दिल्याने एका विध्यार्थ्याचा मृत्यू झाला तर सहा जण जखमी झाले.

bus accident in buldhana, buldhana, student died in accident ,

बुलढाणा : भरधाव टिप्परने ऑटोला धडक दिल्याने एका विध्यार्थ्याचा मृत्यू झाला तर सहा जण जखमी झाले. जखमींना बुलढाण्यात उपचारसाठी दाखल करण्यात आले असून एका गंभीर विध्यार्थ्याला अकोला येथे हलविण्यात आले आहे. मोताळा तालुक्यातील शेंबा नजीक आज ही दुर्घटना घडली. शेंबा येथील सरस्वती ज्ञानमंदिर मधील नर्सरी केजी वन व केजी टूची शाळा सुटल्यानंतर जवळा बाजार येथील बाल विद्यार्थी ऑटोमध्ये बसून गावाकडे जात होते. दरम्यान, त्यांच्या ऑटोला भरधाव टिप्परने धडक दिली. अपघातात सात विध्यार्थी जखमी झाले.

त्यांना बुलढाणा येथील खासगी रुग्णालयात उपचाराकरिता दाखल करण्यात आले. त्यातील पवन मुकुंद (४, रा. जवळा बाजार, ता. मोताळा) याचा मृत्यू झाला. सार्थक काकर (३, रा. जवळा बाजार) या अत्यावस्थ बालकाला अकोला येथे पुढील उपचाराकरिता हलवण्यात आले आहे. उर्वरित पाच जणांवर बुलढाणा येथे उपचार सुरू आहे. दरम्यान, अपघाताची माहिती मिळताच बोराखेडी पोलिसांनी घटनास्थळी पोहोचून पंचनामा केला.

First published on: 21-09-2023 at 20:26 IST

TOPICSअपघात Accident बुलढाणा Buldhana मृत्यू Death

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: A student died after a speeding car collided with an auto in buldhana scm 61 amy