scorecardresearch

Premium

राष्ट्रपतींच्या उपराजधानीतील दोन्ही कार्यक्रमांना मुख्यमंत्री एकनाथ शिंदेंची दांडी, चर्चांना उधाण…

उपमुख्यमंत्री फडणवीस यांच्या वडिलांच्या नावे होऊ घातलेल्या रुग्णालयाच्या भूमिपूजन सोहळ्याला मुख्यमंत्री एकनाथ शिंदे उपस्थित होते.

Absence Chief Minister Eknath Shinde two programs President Draupadi Murmu Nagpur
राष्ट्रपतींच्या उपराजधानीतील दोन्ही कार्यक्रमांना मुख्यमंत्री एकनाथ शिंदेंची दांडी, चर्चांना उधाण… (छायाचित्र- लोकसत्ता ग्राफिक्स टीम)

नागपूर: अजित पवार यांनी उपमुख्यमंत्रीपदाची शपथ घेतल्यापासून मुख्यमंत्री एकनाथ शिंदे यांचे मुख्यमंत्रीपद धोक्यात असल्याचे विरोधकांकडून सातत्याने सांगण्यात येते. तसेच, येत्या काळात महाराष्ट्राला नवे मुख्यमंत्री मिळतील, असा ठाम दावाही केला जातो.

आमदार अपात्रतेच्या सुनावणीवरूनही अनेक चर्चा रंगत आहेत. अशातच राष्ट्रपती द्रौपदी मुर्मू यांच्या नागपुरात झालेल्या दोन कार्यक्रमांना मुख्यमंत्री एकनाथ शिंदे यांची गैरहजेरी चर्चेचा विषय ठरली आहे. राष्ट्रपतींच्या उपस्थितीत झालेल्या दोन्ही कार्यक्रमांना मुख्यमंत्री शिंदे मुख्य अतिथी असतानाही आले नाही. त्यांनी उपमुख्यमंत्री देवेंद्र फडणवीस व केंद्रीय मंत्री नितीन गडकरी यांच्या कार्यक्रमांना हजेरी लावली. मात्र, ते राष्ट्रपतींच्या कार्यक्रमात न दिसल्याने चर्चांना उधाण आले आहे.

What Amit Shah Said About Uddhav Thackeray?
“उद्धव ठाकरेंना त्यांच्या मुलाला मुख्यमंत्री करायचं आहे, म्हणून…”; अमित शाह यांचा गंभीर आरोप
dcm devendra fadnavis on maratha reservation solution
‘मागची दहा वर्षे ट्रेलर होता, पिक्चर अजून बाकी’, मोदींच्या तिसऱ्या टर्मबद्दल फडणवीस म्हणाले…
Raj Thackeray Devendra Fadnavis
मनसे महायुतीत येणार का? देवेंद्र फडणवीस म्हणाले, “आमची निश्चितपणे राज ठाकरेंशी…”
Accusation between Uddhav Thackeray and Devendra Fadnavis in Abhishek Ghosalkar murder case
गोळय़ा मॉरिसने झाडल्या की अन्य कुणी? उद्धव ठाकरे-देवेंद्र फडणवीस यांच्यात आरोप-प्रत्यारोपांच्या फैरी

हेही वाचा… देशाला हिंदू राष्ट्र करण्यासाठी डॉ. आंबेडकरांवर दबाव होता; माजी खासदार डी. राजा यांचे विधान

राष्ट्रपती द्रौपदी मुर्मू या दोन दिवसांच्या नागपूर दौऱ्यावर होत्या. मात्र, राष्ट्रपतींच्या उपस्थितीतील दोन्ही कार्यक्रमांना मुख्यमंत्री शिंदे यांनी दांडी मारली. मुख्यमंत्री शिंदे शुक्रवारी नागपूरला उशिरा आल्याने राष्ट्रपतींच्या उपस्थितीतील वैद्यकीय महाविद्यालयाच्या कार्यक्रमाला गेले नाही. उलट उपमुख्यमंत्री फडणवीस यांच्या वडिलांच्या नावे होऊ घातलेल्या रुग्णालयाच्या भूमिपूजन सोहळ्याला ते उपस्थित होते. सायंकाळी त्यांनी केंद्रीय मंत्री नितीन गडकरींच्या खासदार सांस्कृतिक महोत्सवालाही हजेरी लावली.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Absence of chief minister eknath shinde from two programs of president draupadi murmu in nagpur dag 87 dvr

First published on: 02-12-2023 at 14:06 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×