पंडित दीनदयाल उपाध्याय यांचा शिक्षण क्षेत्राशी काडीचाही संबंध नाही, उद्घाटन सोहळा उधळून लावण्याचा आदिवासी युवा विकास परिषदेचा इशारा

पंडित दीनदयाल उपाध्याय यांचा शिक्षण क्षेत्राशी काडीचाही संबंध नसताना व सामाजिक कार्यात कोणतेही भरीव योगदान नाही. सत्ताधारी मंडळींना खूश करण्याकरिता विद्यापीठ प्रशासन संघाची विचारधारा गोंडवाना विद्यापीठाच्या माध्यमातून लोकांवर लादू पाहत आहेत. मात्र हे आम्ही खपवून घेणार नाही, असे आदिवासी युवा विकास परिषदेचे विनोद मडावी यांनी यावेळी सांगितले. यावेळी माजी नगरसेवक गुलाब मडावी, वसंत कुलसंगे, जगदीश मडावी, माधुरी मडावी, सचिन भलावी, राज बन्सोड, प्रतीक डांगे व अन्य पदाधिकारी उपस्थित होते.

हेही वाचा – सहकार क्षेत्रातील राजकारणात बच्‍चू कडूंची वाट बिकट

हेही वाचा – तलाठी पदे चार हजारांवर तर इच्छुकांची संख्या दहा लाखांवर

आधी डीडोळकर, आता उपाध्याय

काही दिवसांपूर्वी विद्यापीठाच्या सभागृहाला अखिल भारतीय विद्यार्थी परिषदेचे संस्थापक सदस्य दत्ताजी डीडोळकर यांचे नाव देण्यावरून वाद निर्माण झाला होता. आदिवासी कार्यकर्त्यांच्या विरोधानंतर तो निर्णय रद्द करण्यात आला होता. आता जनसंघाचे संस्थापक पंडित दीनदयाल उपाध्याय यांच्या अध्यासन केंद्रावरदेखील आदिवासी युवा परिषदेने आक्षेप घेतला आहे. त्यामुळे पुन्हा एकदा वाद निर्माण झाला आहे. त्यामुळे विद्यापीठ प्रशासनाच्या भूमिकेवर प्रश्नचिन्ह उपस्थित करण्यात येत आहे.