‘बिपरजॉय’ गुजरातच्या किनारपट्टीपासून अवघ्या २०० किलोमीटर अंतरावर, ‘एवढा’ राहणार वाऱ्याचा वेग

बिपरजॉय चक्रीवादळ आज दुपारी अडीच वाजताच्या सुमारास अरबी समुद्राच्या जाखाऊ बंदरवर धडकेल. १५ जूनच्या सायंकाळपर्यंत हे वादळ जखाऊ बंदराजवळील मांडवी आणि कराची दरम्यान सौराष्ट्र आणि कच्छ आणि लगतच्या पाकिस्तानच्या किनारपट्टीला पार करेल, असा अंदाज हवामान खात्याने दिला आहे. या चक्रीवादळामुळे कच्छसह गुजरातमधील आठ जिल्ह्यांमध्ये पूर आणि पावसासाठी आज रेड अलर्ट जारी करण्यात आला आहे. ७४ हजार लोकांना सुरक्षित स्थळी स्थलांतरित करण्यात आलं आहे. लष्कर, नौदल, एअरफोर्स व्यतिरिक्त एनडीआरएफच्या १८ चमू तैनात आहेत.

हेही वाचा – काँग्रेस नाही आपणच लढू, वर्धा मतदारसंघासाठी राष्ट्रवादी तर्फे हर्षवर्धन देशमुख, सुबोध मोहिते, समीर देशमुख इच्छुक

चक्रीवादळामुळे राजकोट विमानतळावर विमानांची उड्डाणं थांबवण्यात आली आहेत. खबरदारीचा उपाय म्हणून शाळा, महाविद्यालयेदेखील बंद ठेवण्यात आली आहेत.