सोने- चांदीच्या दरात मोठे बदल, तीनच दिवसांत…

दरम्यान, नागपुरात गुरूवारी (६ मार्च २०२५ रोजी) सोन्याचे दर प्रति दहा ग्राम ८६ हजार ६०० रुपये, २२ कॅरेटसाठी ८० हजार ५०० रुपये, १८ कॅरेटसाठी ६७ हजार ५०० रुपये, १४ कॅरेटसाठी ५६ हजार ३०० रुपये नोंदवले गेले. हे दर २५ फेब्रुवारी २०२५ रोजी प्रति दहा ग्राम ८६ हजार ६०० रुपये, २२ कॅरेटसाठी ८० हजार ५०० रुपये, १८ कॅरेटसाठी ६७ हजार ५०० रुपये, १४ कॅरेटसाठी ५६ हजार ३०० रुपये होते. तर नागपुरात ३ मार्च २०२५ रोजीच्या तुलनेत तीनच दिवसांनी ६ मार्च २०२५ रोजी सोन्याचे दर प्रति दहा ग्राम २४ कॅरेटसाठी १ हजार ४०० रुपये, २२ कॅरेटसाठी १ हजार ३०० रुपये, १८ कॅरेटसाठी १ हजार रुपये, १४ कॅरेटसाठी ९०० रुपये प्रति दहा ग्रामने वाढल्याचे दिसत आहे. त्यामुळे ग्राहकांमध्ये चिंता वाढली आहे.

चांदीच्या दरातही मोठे बदल…

नागपुरातील सराफा बाजारात ३ मार्च २०२५ रोजी चांदीचे दर प्रति किलो ९४ हजार ४०० रुपये होते. हे दर तीन दिवसांनी (६ मार्च २०२५ रोजी) ९७ हजार ५०० रुपये प्रति किलोपर्यंत वाढले आहे. त्यामुळे ३ मार्चच्या तुलनेत तीन दिवसांनी ६ मार्चला चांदीच्या दरात प्रति किलो तब्बल ३ हजार १०० रुपयांची वाढ झाली आहे.