बुलढाणा: सियाचीनमध्ये कर्तव्य बजावताना बुलढाणा जिल्ह्यातील अग्निवीर अक्षय गवते यांचा मृत्यू झाला. अक्षयच्या कुटुंबियांना राज्य शासनातर्फे दहा लाख रुपयांची मदत जाहीर करण्यात आली आहे. मुख्यमंत्री एकनाथ शिंदे यांनी ही घोषणा केली.
जवान अक्षय गवते हे बुलढाणा तालुक्यातील पिंपळगाव सराई येथील रहिवासी होते. महाराष्ट्राच्या पहिल्या अग्निविराला वीरमरण आल्यानं हळहळ व्यक्त करण्यात येत आहे. अक्षयच्या निधनाबद्दल त्याच्या कुटुंबियांप्रती मुख्यमंत्र्यांनी सहवेदना व्यक्त केली.
