मोठी बातमी: निवडणूक आयोग मतदार याद्यांचे पुनरीक्षण करणार; मुख्यमंत्री फडणवीसांकडून निर्णयाचे स्वागत, विरोधकांची नोटचोरी थांबल्याने…

निवडणूक आयोगाने काय निर्णय घेतला

मतदार याद्यांचे विशेष पुनरीक्षण १०-१५ राज्यांमध्ये सुरू होणार आहे. पुढील वर्षाच्या आत विधानसभा निवडणुका होणाऱ्या राज्यांमध्ये प्रथम मतदार याद्यांचे पुनरीक्षण होणार आहे. यात आसाम, तामिळनाडू, पुद्दुचेरी, केरळ आणि पश्चिम बंगालमध्ये २०२६ मध्ये विधानसभा निवडणुका होतील. एसआयआरच्या अंमलबजावणीसाठीची चौकट अंतिम करण्यासाठी आयोगाने अलीकडेच राज्य मुख्य निवडणूक अधिकाऱ्यांसोबत दोन बैठका घेतल्या.

अनेक सीईओंनी शेवटच्या एसआयआरनंतर प्रसिद्ध झालेल्या त्यांच्या मतदार याद्या त्यांच्या संबंधित राज्य वेबसाइटवर अपलोड केल्या आहेत. २००८ ची मतदार यादी दिल्लीच्या मुख्य निवडणूक अधिकाऱ्यांच्या संकेतस्थळज्ञवर उपलब्ध आहे. २००८ मध्ये तेथे एसआयआर करण्यात आला होता. उत्तराखंडमध्ये, शेवटचा एसआयआर २००६ मध्ये करण्यात आला होता आणि त्यावेळची मतदार यादी आता राज्याच्या मुख्य निवडणूक अधिकाऱ्यांच्या संकेतस्थळावर आहे. बिहारमध्येही अलीकडेच मतदार पडताळणी करण्यात आली. अंतिम डेटा १ ऑक्टोबर रोजी जाहीर करण्यात आला.

काय म्हणाले मुख्यमंत्री फडणवीस

मतदार चोरीवरून आरोपावरून विरोधक १ नोव्हेंबरला मोर्चा काढणार आहे. यावर मुख्यमंत्र्यांना प्रश्न विचारण्यात आला असता ते म्हणाले की, मतदार याद्यांचे विशेष पुनरीक्षण करावे यासाठी मी स्वत: २०१२ पासून मागणी करत आहे. एसआयआर झाले पाहिले या मताचा मी आहे. निवडणूक आयोगाने आता मतदार यांच्यांचे पुनरीक्षण करण्याचा घेतलेला निर्णय स्वागताहार्य आहे. पराभवामुळे विरोधकांमध्ये नैराश्य पसरले आहे. त्यामुळे असे आंदोलने करतात. विरोधकांची नोटचाेरी बंद झाल्याने ते व्होटचारीचा आरोप करत असल्याची टीकाही मुख्यमंत्र्यांनी केली.