scorecardresearch

Premium

बियाणे उगवले नाही; कृषी अधिकाऱ्याला दणका, शेतकऱ्यास नुकसानभरपाई देण्याचे ग्राहक तक्रार निवारण आयोगाचे आदेश

पुसद येथील नारायण रामभाऊ क्षीरसागर यांनी दाखल केलेल्या प्रकरणात हा निर्णय देण्यात आला.

consumer court order to pay compensation to farmers for ignoring complaint
(संग्रहित छायाचित्र) ; शेतकऱ्यास नुकसानभरपाई देण्याचे ग्राहक तक्रार निवारण आयोगाचे आदेश

यवतमाळ : शेतकऱ्याने पेरणी केलेले बियाणे उगवले नसल्याच्या तक्रारीकडे दुर्लक्ष करणे एका तालुका कृषी अधिकाऱ्यास चांगलेच महागात पडले. तक्रार करूनही नुकसानीचा पंचनामा झाला नाही. शेतकरी  नुकसानभरपाईपासून वंचित राहिला. यासाठी पुसद तालुका कृषी अधिकाऱ्यासह बियाणे कंपनीस जबाबदार ठरवत शेतकऱ्यास नुकसानभरपाई द्यावी, असा आदेश यवतमाळ जिल्हा ग्राहक तक्रार निवारण आयोगाने दिला.  पुसद येथील नारायण रामभाऊ क्षीरसागर यांनी दाखल केलेल्या प्रकरणात हा निर्णय देण्यात आला. त्यांनी पुसद येथील केशव कृषी केंद्रातून रवी ऍग्रो सीड्स कॉर्पोरेशन या कंपनीचे सोयाबीन बियाणे खरेदी केले होते.

हेही वाचा >>> गणेश विसर्जन करून परतणाऱ्या वाहनाला ट्रकची धडक; एक गंभीर, पाच जखमी, संतप्त नागरिकांनी ट्रक जाळला

two men beaten to death by mob in thane
चोर असल्याच्या संशयावरून जमावाने केलेल्या मारहाणीत दोघांचा मृत्यू, अंबरनाथ शहरातील प्रकार, गुन्हा दाखल
Ramdas Tadas
वर्धा : भाजप खासदार रामदास तडस यांचे एक्स खाते हॅक, पोलिसांत तक्रार दाखल
Posting objectionable content
‘सोशल मीडिया’वर आक्षेपार्ह मजकूर टाकणे सहायक फौजदाराला भोवले…
Case of challenge to draft Kunbi certificate to Marathas High Court refuses to hear urgent plea of OBC organization
मराठ्यांना कुणबी प्रमाणपत्र देण्याच्या मसुद्याला आव्हानाचे प्रकरण : ओबीसी संघटनेच्या याचिकेवर तातडीने सुनावणी घेण्यास उच्च न्यायालयाचा नकार

दोनदा पेरणी करूनही या कंपनीचे बियाणे उगवले नाही. यात बियाणांची खरेदी, लागवड खर्च झाला. पेरणी उशिरा झाल्याने उत्पन्न झाले नाही. या प्रकरणी शेतकरी क्षीरसागर यांनी पुसद तालुका कृषी अधिकाऱ्यांकडे तक्रार केली.परंतु, या तक्रारीची कृषी अधिकाऱ्यांनी दखल घेतली नाही. नुकसानीचा पंचनामाही केला नाही. त्यामुळे या शेतकऱ्याने नुकसानभरपाईकरिता जिल्हा ग्राहक तक्रार निवारण आयोगात धाव घेतली. आयोगाचे अध्यक्ष नंदकुमार वाघमारे, सदस्य ऍड. हेमराज ठाकूर यांच्या उपस्थितीत या प्रकरणावर सुनावणी झाली. त्यावेळी शेतकरी नुकसानीचा पंचनामा सादर करू शकले नाही. किती नुकसान झाले याचा पुरावा नसल्याने क्षीरसागर यांना अपेक्षित भरपाईला मुकावे लागले. यासाठी पुसद तालुका कृषी अधिकारी जबाबदार असल्याचा ठपका ठेवला. त्यामुळे कृषी अधिकाऱ्यांनी क्षीरसागर यांना आर्थिक नुकसान, शारीरिक व मानसिक त्रासापोटी दहा हजार रुपये आणि तक्रार खर्चाचे पाच हजार रुपये द्यावे, रवी एग्रो सीड्स कंपनीने ३९ हजार २०० रुपये भरपाई द्यावी, असे आदेशात नमूद आहे. शेतकऱ्याने दोन लाख रुपये नुकसानभरपाईची मागणी केली होती. पुसद तालुका कृषी अधिकायांनी कर्तव्यात कसूर केला असल्याचे आयोगाने निकालपत्रात नमूद केले. त्यामुळे त्यांनी शेतकऱ्याला भरपाई द्यावी, असा स्पष्ट निकाल देण्यात आला आहे.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Consumer court order to pay compensation to farmers for ignoring complaint nrp 78 zws

First published on: 28-09-2023 at 15:28 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×