शिवनेरीवर भगवा फडकविण्याच्या मागणीवरून अमोल कोल्हे यांचा गंभीर आरोप; म्हणाले, “भारतीय पुरातत्त्व विभागाने…”

 बुलढाणा शहर सार्वजनिक शिवजयंती उत्सवाचे उद्घाटन खा. कोल्हे यांच्या हस्ते १७ फेब्रुवारीला रात्री करण्यात आले. रात्री उशिरापर्यंत रंगलेल्या या सोहळ्याला विविध क्षेत्रातील मान्यवरांची उपस्थिती  लाभली. यापूर्वी प्रसिद्धी माध्यमासोबत बोलताना त्यांनी दोन वर्षांपासून रखडलेल्या मागणीवर प्रकाश टाकत पुरातत्वच्या जुनाट कायद्यावर नाराजी व्यक्त केली  यावेळी शिव जयंती समितीचे अध्यक्ष डॉ शोन चिंचोले, माजी अध्यक्ष सुनील सपकाळ हजर होते.

हेही वाचा >>> भाजपची काँग्रेस होईल ही भीती फडणवीस यांना का वाटते?

पडद्यावर शिव- शंभुच्या भूमिका समर्थपणे साकारणाऱ्या या अभिनेत्याने सांगितले की, शिवनेरीवर भव्य भगवा ध्वज लावण्यात यावा ही आपली मागणी आहे. सन २०२१ पासून आपण ही मागणी केंद्रीय मंत्री, भारतीय पुरातत्त्व खात्याकडे रेटली आहे. मात्र  पुरातत्वचे ब्रिटिशकालीन कायदे यासाठी आडकाठी ठरत आहे. केंद्रीय मंत्र्यांनी देखील याच अडचणीवर बोट ठेवले आहे. ही माझी वैय्यक्तिक मागणी नसून हजारो शिव-शंभू प्रेमींची मागणी आहे. मुळात महाराष्ट्र शासनाने केंद्राकडे या मागणीचा गंभीर पाठपुरावा करण्याची गरज आहे.  यामुळे या मागणीकडे लक्ष वेधण्यासाठी आपण भगवा जाणीव आंदोलन करणार असल्याचे खा. कोल्हे यांनी सांगितले. शिवनेरीवर भगवा ही मागणी धार्मिक वा राजकीय नाही नसल्याचे त्यांनी एका प्रश्नाच्या उत्तरात स्पष्ट केले.