आयटी पार्क ते माटे चौक मार्गावर पुन्हा अतिक्रमण

नागपूर : अंबाझरी तलावाच्या पुलाचे बांधकाम सुरू असल्यामुळे आयटीपार्क ते लक्ष्मीनगर चौकापर्यंत वाहतुकीची कोंडी ही नित्याची बाब झाली आहे. त्यात पुन्हा खाद्यपदार्थांच्या दुकानांमुळे या मार्गावरून सुरक्षित घरी पोहोचणे, हे मोठेच आव्हान ठरत आहे. विशेष म्हणजे, महापलिकेचे अतिक्रमण विरोधी पथक, बजाजनगर, प्रतापनगर पोलीस आणि वाहतूक पोलिसांना हप्ते पोहचत असल्यामुळे यापैकी एकाही विभागाकडून कारवाई होत नसल्याचा आरोप या परिसरातील नागरिकांनी केला आहे.

आणखी वाचा

वसई : वाहन विक्रेते व गॅरेज वाल्यांकडून रस्ते गिळंकृत, रस्त्यावरच वाहन विक्रीचा बाजार व दुरुस्ती; वाहतुकीला अडथळे

Bigg Boss 18 : गुणरत्न सदावर्तेंची शोमध्ये एन्ट्री,…

‘मेट्रो ३’ स्थानकाबाहेरील काही वृक्ष उन्मळून पडल्याने पर्यावरणप्रेमींचा आरोप

वसई : वाहतूक कोंडीपासून त्रस्त विद्यार्थी व भूमिपुत्रांचे आंदोलन, महामार्ग व चिंचोटी रस्त्याच्या समस्येबाबत संताप

सामासिक अंतर न सोडता डोंबिवलीतील नवापाड्यात आठ माळ्याच्या बेकायदा इमारतीची उभारणी

आनंदवार्ता… ‘एसटी’च्या ताफ्यात आणखी २,५०० बसगाड्या येणार

वसई : गुन्हे शाखा-२ च्या पथकाची जलद कामगिरी, महामार्गावर आढळलेल्या मृतदेहाच्या हत्ये प्रकरणात तृतीयपंथीय ताब्यात

पुणे : चार तासांच्या अथक प्रयत्नांनंतर ट्रक आणि दुचाकी खड्ड्याबाहेर, पेव्हर ब्लॉक खचल्याने घडली घटना

आयटी पार्क ते माटे चौकापर्यंतच्या रस्त्यावर जवळपास शंभरावर खाद्यपदार्थांची दुकाने विनापरवानगी सुरू आहेत. पदपथावर खुर्च्या टाकून ग्राहकांना खाद्य पुरवले जात आहे. आधीच दुकानांनी अर्धा रस्ता व्यापला आहे. त्यात पुन्हा ग्राहकांची वाहने रस्त्यावरच उभी राहत असल्याने वाहतूक कोंडी होऊन अपघातही वाढले आहेत. तसेच स्वामी विवेकानंद चौकातून अंबाझरी टी-पॉईंट चौकापर्यंतचा रस्ता बंद असल्यामुळे वाहनांची वर्दळ माटे चौकातून जास्त आहे. त्यात पुन्हा रस्त्यावर खाद्यपदार्थांची दुकाने पदपथावरच थाटल्याने वाहतुकीच्या कोंडीत भर पडली आहे. ‘लोकसत्ता’ने याआधी या समस्येला वाचा फोडली होती. त्यानंतर पोलीस आणि महापालिकेच्या पथकाने कारवाईचा नुसताच देखावा केला. परंतु, या कारवाईनंतर दोन तासांतच महापालिका आणि पोलिसांच्या नाकावर टिच्चून या रस्त्यावर पुन्हा दुकाने सुरू झाली.

आणखी वाचा-‘एमपीएससी’ पूर्व परीक्षेबाबत मोठी अपडेट… अखेर तारीख…

कारवाई दुपारी, अतिक्रमण रात्री

आयटी पार्क ते माटे चौकापर्यंतच्या पदपथावरील खाद्यपदार्थांची दुकाने सायंकाळी लागतात. वाहतूक कोंडीसुद्धा सायंकाळीच होते. मात्र, महापालिकेचे अतिक्रमण विरोधी पथक दुपारी या रस्त्यावर कारवाई करण्यासाठी चकरा मारतात. यावरून महापालिका या प्रकरणात बनवाबनवी करीत असल्याची चर्चा आहे.

“पदपथावर खाद्यपदार्थांची वाहने लावून वाहतुकीस अडथळा निर्माण होत असेल तर वाहतूक पोलीस निश्चितच कारवाई करतील.” -कल्पना बाविस्कर, सहायक पोलीस आयुक्त, वाहतूक विभाग.