गोशाळा बंद होण्याची भीती

राज्यातील विविध गोशाळा दानदात्यांच्या भरवशावर चालत आहेत; परंतु गेल्या काही वर्षांत दानदात्यांची संख्या कमी झाली आहे तर, जनावरांची संख्या मोठय़ा प्रमाणात वाढत आहे. परिणामी, गोशाळेत त्यांचे संगोपन व सांभाळ करणे कठीण झाले आहे. गोशाळेत वृद्ध, भाकड, अपंग, अपघातग्रस्त, आजारी जनावरे जास्त आहेत. भाजपशासित राज्यात गोशाळांना त्या-त्या राज्य सरकारने आर्थिक मदत देऊन सक्षम बनविले आहे. मात्र महाराष्ट्रात अजूनही त्याबाबत निर्णय घेतला जात नाही. राज्य शासनाच्या अन्न व प्रशासन विभागाद्वारे राज्यातील अनेक गोशाळांना पंचगव्य औषधी निर्माण करण्याचे परवाने देण्यात आले आहेत. मात्र जनावरांचा सांभाळ करण्यासाठी किंवा गोशाळा सुरू राहाव्यात यासाठी राज्य शासनाकडून कुठलेही प्रयत्न केले जात नाही, अशी खंत गोशाळा संचालकांनी व्यक्त केली आहे.

राज्यात ९०० पेक्षा अधिक गोशाळांची स्थिती चांगली नाही. राज्यात गोसेवा आयोग निर्माण झाला तर सरकारकडून निधी मिळून त्यांची स्थिती सुधारेल. अन्यथा, येणाऱ्या काळात त्या बंद होतील आणि जनावरांच्या संगोपनाचा मोठा प्रश्न निर्माण होईल.

– डॉ. सुनील सूर्यवंशी, संचालक, राज्य गो सेवा महासंघ