बुलढाणा : खामगावातील दोन दुकानांना आग; लाखोंची हानी

टिळक मैदान परिसराला लागून असलेल्या एका दुकानाला प्रारंभी आग लागली. पाहता पहाता या आगीने रौद्ररूप धारण केल्याने बाजूच्या दुकानालाही आग लागली. टिळक मैदान परिसरातील दुकानांच्या पाठीमागे कचऱ्याचे ढिगार असून या कचऱ्याला काहीजण आग लावून पेटवून देतात. त्यातून आग लागल्याचा प्राथमिक अंदाज आहे.

हेही वाचा – १२ वर्षांपासून फरार, नंतर आत्मसमर्पण, कारण ऐकल्यावर बसेल धक्का

हेही वाचा – अकोला : शिक्षणाचे बाजारीकरण! संपूर्ण व्यवस्थाच कंपन्यांच्या हातात देण्याचा घाट, ‘विज्युक्टा’ राज्यभर आंदोलन उभारणार

सुहाग बँगल्स अँड कॉस्मेटिक ज्वेलरी या दुकानाला आग लागली. या आगीने रौद्ररूप धारण केल्यानंतर बाजूच्याच मेडिकलच्या दुकानाला ही आग लागली. खामगावसह शेगाव आणि नांदुरा येथील अग्निशमन दलाने घटनास्थळी पोहोचून आगीवर नियंत्रण मिळविले.