मुलींना शिक्षण मोफत, तरीही शुल्क वसूलल्यास आता थेट कारवाई

विहित मार्गाने व्यावसायिक अभ्यासक्रमात प्रवेश घेणाऱ्या मुलींना १०० टक्के शिक्षण शुल्कची प्रतिपूर्ती अनुदेय आहे. प्रवेशावेळी कोणतेही शुल्क आकारले जाणार नाही. तसेच शुल्काची देय रक्कम सरकार सदर संस्थेच्या बँक खात्यात थेट जमा करणार आहे. तरीही संस्थेने शुल्क घेतले असल्यास ते परत करण्याचे निर्देश देण्यात आले आहेत. परीक्षा शुल्कची रक्कम पात्र मुलीच्या आधार संलग्न बँक खात्यात जमा करण्यात येणार आहे. २४ जुलै रोजी झालेल्या शिक्षण सहसंचालक यांच्या ऑनलाईन सभेत याविषयी स्पष्ट सूचना देण्यात आल्या. पालक व संस्थाचालक यांच्या तक्रारींचे निराकरण करण्यात आले. शुल्क न घेण्याबाबत स्पष्ट निर्देश देण्यात आले. तरीही काही संस्था, महाविद्यालये पात्र विद्यार्थिनीकडून प्रवेशावेळी शिक्षण शुल्क घेत आहेत. तशा तक्रारी या विभागाकडे येत आहेत. ही बाब अत्यंत गंभीर असल्याचे शासनाने स्पष्ट केले. शासन निर्देशांचे पालन न करणाऱ्या संस्था तसेच महाविद्यालये यांच्या विरोधात कठोर कारवाई करण्याची वेळ येऊ नये, याबाबत संस्था, महाविद्यालयांनी गंभीर नोंद घ्यावी, अशी तंबी देण्यात आली आहे.

आणखी वाचा

विद्यार्थ्याचे शैक्षणिक नुकसान टाळण्यासाठी न्यायालयाने नियमांपलिकडे…

विश्लेषण: जगातील सर्वांत मोठी ॲमेझॉन नदी पडतेय कोरडीठाक……

टीईटीसाठीच्या नोंदणीची मुदत संपुष्टात… यंदा किती उमेदवारांनी केली नोंदणी?

धक्कादायक! दहावीच्या विद्यार्थ्याकडून शिक्षिकेला ब्लॅकमेल करण्याचा प्रयत्न; आधी आंघोळीचा व्हिडीओ बनवला नंतर…

वालचंद महाविद्यालय बळकाविण्यासाठी अडवणुकीचे सत्र

‘समान धोरण’मुळे लाखो विद्यार्थी वंचित; ‘महाज्योती’ बाहेर पडल्यानंतर सरकारच्या निर्णयाची प्रतीक्षा

ओबीसींसाठी उत्पन्नाच्या दाखल्याची अट रद्द, शासन निर्णय काय सांगतो?

कॅनडात शिक्षणासाठी जाणे आता आणखी कठीण, कॅनडाकडून विद्यार्थी व्हिसात कपात; भारतीय विद्यार्थ्यांवर याचा कसा परिणाम होणार?

हेही वाचा – लाडक्या बहिणींच्या बाळंतपणासाठी नि:शुल्क सुविधा… माजी आमदाराने…

व्यावसायिक उच्च शिक्षण देणाऱ्या संस्थांना अचानक भेटी दिल्या जाणार आहेत. योजनेची अंमलबजावणी निर्देशांनुसार होत आहे अथवा नाही, याची खात्री केली जाईल. तसेच योजनेसाठी महाविद्यालय पातळीवर स्कॉलरशिप नोडल ऑफिसर नियुक्त झाल्याची खात्री केली जाईल. तसेच पालन न करणाऱ्या संस्थांविरोधात कारवाई केली जाईल, असा इशारा देण्यात आला आहे.

हेही वाचा – चक्क चौकीतच पोलिसांचा जुगार, तोंडात सिगरेट आणि हाती…

महाविद्यालय, संस्था, विद्यापीठे यांनी गांभीर्याने नोंद घ्यावी, असे उच्च शिक्षणचे सहसंचालक डॉ. केशव तुपे यांनी परिपत्रकात नमूद केले आहे. या सत्रपासून मुलींना मोफत व्यावसायिक उच्च शिक्षण देण्याची प्रक्रिया उच्च तंत्र शिक्षण विभाग तसेच इतर मागास बहुजन कल्याण विभागतर्फे सुरू झाली आहे.