गडचिरोली : पैशाच्या वादातून वडिलाने घेतला मुलाचा जीव; गोळी झाडून केली हत्या

तालुक्यात सध्या बांबू कापणीची कामे सुरू असून रानू आणि त्याचे वडील कोपा दोघेही तेथे मजुरी करायचे. घटनेच्या दिवशी पिता-पुत्रात मजुरीच्या पैशांवरून टोकाचा वाद झाला.

दरम्यान, रात्री रानू अंगणात झोपलेला असताना आरोपी पित्याने घरातील भरमार बंदुकीतून त्याच्यावर गोळी झाडली. यात रानू जागीच गतप्राण झाला. याप्रकरणी ताडगाव पोलिसांनी आरोपी पित्याविरोधात गुन्हा दाखल करून त्याला अटक केली.