scorecardresearch

Premium

आदिवासींच्या आंदोलनाने गडचिरोली दोन तासांपासून ठप्प, भाजप आमदारांचा सर्वांसमक्ष पाणउतारा…

धनगरांना आदिवासींमधून आरक्षण देण्यात येऊ नये यासह विविध मागण्या घेऊन सकाळी दहा वाजतापासून गडचिरोली शहरात आदिवासी समाजाने चक्काजाम आंदोलन सुरू केल्याने पूर्ण वाहतूक व्यवस्था ठप्प झाली आहे.

tribal agitation in gadchiroli
मागील काही दिवसांपासून जिल्ह्यातील आदिवासींमध्ये सरकारबद्दल प्रचंड अस्वस्थता आहे.(फोटो- लोकसत्ता टीम)

लोकसत्ता टीम

गडचिरोली : धनगरांना आदिवासींमधून आरक्षण देण्यात येऊ नये यासह विविध मागण्या घेऊन सकाळी दहा वाजतापासून गडचिरोली शहरात आदिवासी समाजाने चक्काजाम आंदोलन सुरू केल्याने पूर्ण वाहतूक व्यवस्था ठप्प झाली आहे. यावेळी भेट देण्यासाठी आलेले भाजप आमदार डॉ. देवराव होळी यांचा आंदोलकांनी चांगलाच पाणउतारा केला. त्यामुळे काही काळ तणावाचे वातावरण निर्माण झाले होते.

maharashtra tribal and backward people action committee demand public opinion polls on liquor ban
“गडचिरोलीतील दारूबंदीची समीक्षा का नको ?” ‘एमटीबीपीए’चा सवाल, जनमत चाचणीची मागणी
Chhagan Bhujbal opinion on Maratha reservation
सगेसोयऱ्यांची व्याख्या न्यायालयात टिकणार नाही’
nagpur mahavitaran marathi news, 2 outsourced employees beaten up marathi news
ऊर्जामंत्र्यांच्या शहरात महावितरणच्या दोन बाह्यस्त्रोत कर्मचाऱ्यांची एकाला मारहाण…
children beg in siddheshwar yatra
सोलापुरात सिध्देश्वर यात्रेत भीक मागणाऱ्या मुलांचा शोध

मागील काही दिवसांपासून जिल्ह्यातील आदिवासींमध्ये सरकारबद्दल प्रचंड अस्वस्थता आहे. त्यामुळे वेळोवेळी आंदोलनातून ही अस्वस्थता बाहेर येत आहे. अशात धनगर आरक्षणाचा प्रश्न अधिक चिघळत असताना त्यांना आदिवासींमधून आरक्षण देण्याची चर्चा सुरू झाली आहे. त्यामुळे रविवारी जिल्हाभरातील दहा हजारावर आदिवासींनी गडचिरोली शहरात एकत्र येत चक्काजाम आंदोलन सुरू केले आहे. धानोरा मार्गावरून मोर्चा काढत आंदोलकांनी इंदिरा गांधी चौकात येत जोरदार घोषणाबाजी केली. यावेळी भाजप आमदार डॉ. देवराव होळी यांनी आंदोलनस्थळी भेट दिली असता आदिवासी आंदोलकांनी भाजपविरोधी घोषणा देत आमदारांचा पाणउतारा केला. सोबतच जिल्ह्यातील लोकप्रतिनिधींचा निषेध नोंदविला.

आणखी वाचा-खरीप हंगामाची पैसेवारी जाहीर, पीक उत्पादनात लक्षणीय घट येण्याची चिन्हे

काही दिवसांपूर्वी आमदार होळी यांनी मोबाईलवर झालेल्या संभाषणात आदिवासी तरुणाला तुझ्या एका मताने निवडून येतो का, असे म्हटल्याची ध्वनिफीत प्रसारित झाली होती. हा विषय देखील या आंदोलनात काढण्यात आला त्यामुळे संतापलेल्या आंदोलकांनी आमदारांना चांगलेच सुनावले. दरम्यान, जिल्ह्यातील तीन आमदार आणि एक खासदार आंदोलनस्थळी येत नाही तोपर्यंत चक्काजाम सुरूच राहणार असे आंदोलकांनी जाहीर केल्याने शहरातील पूर्व वाहतूक व्यवस्था दोन तासांपासून ठप्प पडली आहे.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Gadchiroli has come to a standstill for two hours due to tribal agitation ssp 89 mrj

First published on: 01-10-2023 at 14:38 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×