नागपूर: पावसाळ्यात ग्रामीण भागात शेतीच्या कामाला गती येते. तर शहरी भागातही लग्नासह इतर समारंभ कमी होतात. त्यामुळे सोने- चांदीच्या दागिन्याला फारशी मागणी नसते. त्यानंतरही सोन्याचे दर नवीन विक्रमी पातळीवर गेले आहे. बुधवारी (२३ जुलै २०२५ रोजी) सोने- चांदीचे दर काय होते? याबाबत आपण जाणून घेऊ या.
सोन्याचे दर मध्यंतरी एकदा जीएसटी व मेकिंग शुल्क वगळून एक लाखावर गेले होते. त्यानंतर सोन्याच्या दरात घसरण झाली होती. परंतु आता पून्हा सोन्याचे दर मागील दोन दिवसांपासून जीएसटी व मेकिंग शुल्क वगळून एक लाखाहून जास्तवर गेले आहे. नागपुरात लग्न सराईच्या दिवसात सोन्याचे वाढते दर ग्राहकांची चिंता वाढवत होते. त्यामुळे ग्राहकांकडून दागिने खरेदी दरम्यान आवश्यकतेनुसार खूप कमी वजनाच्या दागिन्यांनाच प्राधान्य दिले जात होते. मध्यंतरी सोन्याच्या दरात मोठी गट झाली. परंतु त्यानंतर पून्हा वाढ होऊन नागपुरातील सराफा बाजारात १३ जूनला जीएसटी व मेकिंग शुल्क वगळून सोन्याच्या दराने २४ कॅरेटमध्ये प्रति दहा ग्राम १ लाख रुपयांचा टप्पा ओलांडला होता.
दरम्यान नागपुरातील सराफा बाजारात १९ जुलै २०२५ रोजी पावसाळ्याच्या दिवसांत सोन्याचे दर प्रति १० ग्राम २४ कॅरेटसाठी ९८ हजार ५०० रुपये, २२ कॅरेटसाठी ९१ हजार ६०० रुपये, २२ कॅरेटसाठी ७६ हजार ८०० रुपये, १४ कॅरेटसाठी ६४ हजार रुपये नोंदवले गेले. हे दर २३ जुलैला दुपारी प्रति १० ग्राम २४ कॅरेटसाठी १ लाख ९०० रुपये, २२ कॅरेटसाठी ९३ हजार ८०० रुपये, २२ कॅरेटसाठी ७८ हजार ७०० रुपये, १४ कॅरेटसाठी ६५ हजार ६०० रुपये होते. त्यामुळे नागपुरात सोन्याच्या दरात १९ जुलैच्या तुलनेत २३ जुलैला सोन्याचे दर २४ कॅरेटमध्ये प्रति १० ग्राम १ हजार ४०० रुपये, २२ कॅरेटमध्ये १ हजार २०० रुपये, १८ कॅरेटमध्ये १ हजार ९०० रुपये, १४ कॅरेटमध्ये १ हजार ६०० रुपयांनी घसरल्याचे दिसत आहे.
चांदीच्या दरातही बदल…
नागपुरातील सराफा बाजारात मेकिंग व जीएसटी शुल्क वगळता चांदीचे दर प्रति किलो १९ जुलैला १ लाख १३ हजार ४०० रुपये होते. हे दर २३ जुलैला प्रति किलो १ लाख १६ हजार ७०० रुपये नोंदवले गेले. त्यामुळे चांदीच्या दरात १९ जुलैच्या तुलनेत १३ जुलैला ३ हजार ३०० रुपये प्रति किलोची वाढ झालेली दिसत आहे.
