नागपूर: कौटुंबिक वादातून पतीने पत्नीवर कोयत्याने वार करून खून केला. तिचा मृतदेह निलडोह परिसरातील जंगलात फेकून पती पसार झाला. सपना ऊर्फ सोनी (३०) असे खून झालेल्या महिलेचे नाव आहे. ही घटना बुधवारी सायंकाळी उघडकीस आली.
निलडोहमधील दोन कंपन्यांकडे जाणाऱ्या रस्त्यावर पती-पत्नीचे कडाक्याचे भांडण सुरुच होते. काही नागरिकांनी दोघांना समजवण्याचा प्रयत्न केला. काही वेळाने पतीने पत्नीवर कोयत्याने वार करून खून केला. सोनीचा मृतदेह जंगलात फेकल्यानंतर पतीने पलायन केले.
हेही वाचा… मराठवाड्यासह विदर्भाला ‘यलो अलर्ट’, तर कोकणला ‘ऑरेंज अलर्ट’
This quiz is AI-generated and for edutainment purposes only.
याप्रकरणी एमआयडीसी पोलिसांनी गुन्हा दाखल केला असून आरोपी पतीचा शोध सुरू केला आहे. मृत महिलेबाबत माहिती काढण्याची प्रक्रिया पोलीस करीत आहेत. गेल्या चोवीस तासांतील उपराजधानीतील हे दुसरे हत्याकांड आहे.
