scorecardresearch

Premium

लग्न करणे सोपे मात्र विवाह प्रमाणपत्र मिळवणे कठीण; काय आहे वाचा…

अनेक नवदाम्पत्य परदेशी नोकरीच्या किंवा शिक्षणाच्या निमित्ताने परदेशात असल्यामुळे त्यांना प्रमाणपत्र मिळण्यासाठी अनेक अडचणींचा सामना करावा लागत आहे.

problems to get marriage certificate in nagpur, marriage certificate delayed in nagpur
लग्न करणे सोपे मात्र विवाह प्रमाणपत्र मिळवणे कठीण; काय आहे वाचा… (संग्रहित छायाचित्र)

नागपूर : विवाहानंतर मिळणारे विवाह प्रमाणपत्र मिळवण्यासाठी अनेक नवविवाहितांवर गेल्या काही दिवसांत प्रतीक्षा करण्याची वेळ आली आहे. त्यात अनेक नवदाम्पत्य परदेशी नोकरीच्या किंवा शिक्षणाच्या निमित्ताने परदेशात असल्यामुळे त्यांना प्रमाणपत्र मिळण्यासाठी अनेक अडचणींचा सामना करावा लागत आहे. त्यामुळे लग्न करणे सोपे मात्र विवाह प्रमाणपत्र मिळवणे कठीण असे म्हणायची वेळ आली आहे. विवाहानंतर विवाह नोंदणी करणे आवश्यक असते. त्यामुळे महापालिकेत विवाह नोंदणी प्रमाणपत्र विभागात ऑनलाईन किंवा प्रत्यक्ष जाऊन अर्ज करावा लागतो. मात्र, अर्ज केल्यानंतर त्यांच्यावर दोन ते अडीच महिने प्रमाणपत्र मिळवण्यासाठी प्रतीक्षा करावी लागत असल्याचे सध्याचे चित्र आहे. साधारणत: तुळशीपूजनानंतर लग्न सराई सुरू होऊन जून महिन्यापर्यंत लग्नांचा धडाका सुरू असतो. यानंतर सर्वच नवदाम्पत्यांना विवाह नोंदणी ही बंधनकारक असते.

हेही वाचा : “ही तर पुरोगामी महाराष्ट्राला काळीमा फासणारी घटना”, रामटेकच्या घटनेवर प्रतिक्रिया

OBC
ओबीसींचा खरा शत्रू कोण?
Allegation of the farmers association of abuse of onion producers
कांदा उत्पादकांची कुचेष्टा केल्याचा शेतकरी संघटनेचा आरोप; निर्यातबंदी उठवल्याच्या अधिसूचनेची प्रतीक्षाच
study group report recommended many benefits for maharashtra loom owners zws 70
राज्यातील यंत्रमागधारकांच्या प्रलंबित मागण्यांना अभ्यास समितीनकडून न्याय; अनेक चांगल्या शिफारशी 
CAPF
केंद्रीय सशस्त्र पोलीस दलात महिलांनाही प्रोत्साहन, प्रसूती रजेसह ‘या’ सुविधाही मिळणार; केंद्रीय मंत्र्यांनी दिली माहिती

यासाठी महापालिकेत अर्ज केल्यानंतर त्यासाठी लागणारे सर्व कागदपत्र मिळवणे आणि त्यानंतरची प्रक्रिया राबवण्यासाठी किमान एक महिना लागतो. मात्र, त्यानंतर महापालिकेत नवविवाहितांना विवाह प्रमाणपत्र मिळवण्यासाठी दोन ते अडीच महिने प्रतीक्षा करावी लागत असल्याचे चित्र दिसून येत आहे. विवाह प्रमाणपत्र मिळवण्यासाठी अनेक नव्या वैवाहिक जोडप्यांना अडचणींचा सामना करावा लागत असल्यामुळे माजी महापौर दयाशंकर तिवारी यांनी ज्या दिवशी विवाह आहे त्याच दिवशी संबंधित नवदाम्पत्याच्या विवाहाच्यावेळी मंगल कार्यालयात जाऊन प्रमाणपत्र देण्याची योजना सुरू केली. यासंदर्भातील प्रस्तावही तयार करण्यात आला होता. त्यासाठी विवाहापूर्वी नवविवाहितांना प्रमाणपत्रासाठी अर्ज व अन्य कागदपत्रे झोन कार्यालयाकडे सादर करावी लागणार होती. जयपूरच्या धर्तीवर ही योजना राबवली जाणार असताना गेल्या दोन वर्षापासून ही योजना मात्र केवळ कागदावरच आहे. सूत्रांनी दिलेल्या माहितीनुसार शहरातील दहाही झोनमध्ये ५० च्यावर नवदाम्पत्यांनी अर्ज केले आहे.

हेही वाचा : त्रुटीची पूर्तता, तरीही जात पडताळणी प्रमाणपत्र वेळेत मिळेना; शिवसेना आक्रमक होताच समितीचे अध्यक्ष म्हणतात…

तुळशीपूजनानंतर तर लग्नाची धामधूम सुरू होणार आहे. त्यामुळे विवाह प्रमाणपत्रासाठी गर्दी वाढणार आहे. मात्र, महापालिकेच्या थंड कारभारामुळे अनेक नवविवाहितांना प्रमाणपत्रासाठी प्रताक्षा करावी लागणार आहे. अनेक नवदाम्पत्य विवाहानंतर परदेशी जातात. त्यांना सुद्धा तत्काळ विवाह प्रमाणपत्राची गरज असल्यामुळे आता ज्या दिवशी विवाह असेल त्याचवेळी मंगल कार्यालयात किंवा ज्या ठिकाणी विवाह असेल तिथे जाऊन संबंधित झोनच्या अधिकाऱ्यांकडून ते प्रमाणपत्र नवदाम्पत्यांना दिले तर अनेकांना सोयीचे ठरणार आहे. परंतु, महापालिका प्रशासन याबाबत गंभीर नसल्याचे दिसून आले. महापालिकेत अनेक जोडप्यांकडून झोन कार्यालयात विचारणा केली जात असताना प्रमाणपत्र मिळवण्यासाठी वेळ लागेल, असे सांगितले जात असल्यामुळे अनेकांनी याबाबत नाराजी व्यक्त केली आहे. खरे तर प्रमाणपत्र मिळवण्यासाठी ऑनलाईन सोय असताना महापालिकेत इतका उशीर का लागतो असा प्रश्न अनेकांनी उपस्थित केला.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In nagpur newly married couple facing problems to get marriage certificate vmb 67 css

First published on: 29-11-2023 at 17:14 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×