नागपूर: नागपुरात मंगळवारी पहाटेपासून पडणाऱ्या अवकाळी पावसाच्या तडाख्यात अनेक भागात वीज पुरवठा खंडित झाला. त्यामुळे सर्वसामान्य नागरिकांना मनःस्ताप झाला. वीज पुरवठा खंडित झालेल्या भागात भेंडे ले-आऊट, पन्नासे ले-आऊट, इंद्रप्रस्थ नगर व लगतच्या परिसरासह नागपुरातील इतरही बऱ्याच भागाचा समावेश आहे. वीज खंडित झाल्याची माहिती कळताच महावितरणच्या कर्मचाऱ्यांनी दोष शोधण्याचे काम हाती घेत दुरुस्ती सुरू केली. हेही वाचा. अकोला जिल्ह्यात सलग दुसऱ्या दिवशी अवकाळीचा तडाखा; शेतातील उभ्या पिकांचे अतोनात नुकसान त्यामुळे शहरातील निवडक भाग सोडले तर बहुतांश भागातील पुरवठा सुरळीत झाल्याचा महावितरणचा दावा आहे. तर ग्राहकांनी मात्र तासनतास पुरवठा खंडित असल्याचा आरोप केला.
