वेळवा जंगलात आग

चंद्रपूर:पोंभुर्णा तालुक्यातील वेळवा सेल्लुर या गावाशेजारी असलेल्या जंगलाला आज मंगळवारी सायंकाळी ७ वाजता भिषण आग लागल्याने शेकडो हेक्टर जंगल जळुन खाक झाले आहे. पोंभुर्णा तालुक्यातील वेळवा सेल्लुर गावाला लागुन जंगल आहे त्या जंगलात प्राण्यांचे वास्तव्य असुन याच जंगलाला आता भिषण आग लागली आहे.आगीची तिव्रता एवढी भिषण होती कि काही वेळातच त्या आगीने रौद्ररूप धारण केले आणी शेकडो हेक्टर जंगल जळुन खाक झाले आहे. या आगीला वेळीच आटोक्यात आणली गेली नाही तर वेळवा सेल्लुर या गावांना धोका निर्माण होऊ शकतो यासाठी वनविभागाने उपाययोजना करण्याची गरज आहे. आगीत  शेतकऱ्यांच्या तणीस चे ढिगारे जळयला लागले असुन आणखी नुकसान झाल्याची माहिती आहे आगीचे कारण अद्याप स्पष्ट झालेले नाही.