Solar Explosives Company Explosion Nagpur : नागपूर : रात्री साडेबारा वाजताच्या सुमारास प्लांटमधून धूर निघताना दिसला. त्वरित सुरक्षा पथकाने सायरन वाजवून इशारा दिला आणि कामगारांना कारखान्यातून बाहेर काढण्यास सुरुवात केली. बहुतेक कामगार सुरक्षित बाहेर पडले. याच दरम्यान भीषण स्फोट झाला आणि एक कामगार मृत्यूमुखी पडला. सायरन वाजवून कामगारांना कारखान्यातून बाहेर काढले नसते तर मोठी प्राणहानी झाली असती.

बुधवारी मध्यरात्री नागपूर जिल्ह्यातील बाजारगाव येथील सोलर एक्सप्लोसिव कंपनीत भीषण स्फोट झाला. कंपनीच्या पीपी-१५ युनिटमधील सीबी-१ – विभागात झालेल्या या दुर्घटनेत एका कामगाराचा मृत्यू झाला असून १६ जण जखमी झाले आहेत. त्यापैकी चौघांची प्रकृती चिंताजनक असल्याचे समजते.धूर दिसताच सायरन कारखान्यातून धूरज्ञबाहेर पडतानाच सायरन वाजला, कामाच्या बाहेर पडू लागले.त्यात मयूर गणवीर या कामगाराचाही समावेश होता.तो, संशोधन व विकास प्रयोगशाळेत कार्यरत होता.मयूर गणवीर बाहेर येत असतानाच प्रचंड स्फोट झाला. स्फोटातून उडालेल्या मोठ्या दगडांच्या तडाख्यात तो सापडला आणिजागीच ठार झाला.

दहा किलोमीटरपर्यंत दुमदुमला आवाज स्फोटाचा आवाज तब्बल दहा किलोमीटरवर ऐकू आला. स्फोट इतका भीषण होता की संपूर्ण इमारत कोसळली व मलबा थेट राष्ट्रीय महामार्गावर पडला. कंपनी परिसरातील एच आर ऑफिस, सिक्युरिटी ऑफिस तसेच मुख्य इमारतीचे मोठे नुकसान झाले. कंपनीत उभ्या असलेल्या बसची काच फुटली.

हेही वाचा

दोन कामगारांचे पाय गमवावे लागले मलब्याचा मोठा भाग कंपनीच्या कबाड विभागावर कोसळला. या दुर्घटनेत कैलाश वर्मा व मनीष वर्मा गंभीर जखमी झाले. लोखंडी पत्रा पडल्याने त्यांचे दोन्ही पायाला गंभीर दुखापती झाल्या आणि शेवटी त्यांना पाय गमवावे लागले.

पळापळ, गावकऱ्यांची गर्दी स्फोटानंतर कंपनी परिसरात प्रचंड गोंधळ उडाला. आसपासच्या गावांतील नागरिक मोठ्या संख्येने कंपनीच्या प्रवेशद्वारावर जमले व आपल्या नातेवाईकांचा शोध घेऊ लागले. प्रशासन व पोलिसांची धाव घटनेची माहिती मिळताच जिल्हाधिकारी डॉ. विपीन, पोलिस अधीक्षक हर्ष पोद्दार, उपविभागीय अधिकारी पियूष चिवंडे, तहसीलदार राजू रणवीर, एसडीपीओ बापूसाहेब रोहोम तसेच स्फोटक, पर्यावरण, कामगार आणि सेफ्टी विभागाचे वरिष्ठ अधिकारी घटनास्थळी दाखल झाले. गंभीर जखमींना नागपूर येथील शासकीय रुग्णालय व कंपनीने ठरवलेल्या खासगी रुग्णालयांत दाखल करण्यात आले. काहींचा प्राथमिक उपचार कोंढाळी आरोग्य केंद्रात करण्यात आला.