scorecardresearch

Premium

आमदार केचेंचे उपमुख्यमंत्री फडणवीस यांनाच आव्हान, काय म्हणाले वाचा…

एकप्रकारे पक्षश्रेष्ठींना आव्हान देत त्यांनी उमेदवारीच घोषित करून टाकली.

MLA Dadarao Keche's challenge Devendra Fadnavis contesting Arvi Assembly Election
आमदार केचेंचे उपमुख्यमंत्री फडणवीस यांनाच आव्हान, काय म्हणाले वाचा… (छायाचित्र- लोकसत्ता टीम)

वर्धा: आर्वी विधानसभा मतदारसंघात भाजपमधील कलगीतुरा थांबण्याचे नावच घेत नाही. उपमुख्यमंत्री देवेंद्र फडणवीस यांचे विश्वासू सुमित वानखेडे यांची आगामी उमेदवारी डोळ्यापुढे ठेवून सुरू झालेली विकास कामांची एक्सप्रेस विद्यमान आमदार दादाराव केचे यांच्या चांगलीच जिव्हारी लागत आहे. तसे टोले त्यांनी अनेक कार्यक्रमातून लगावले.

आर्वी भाजपतर्फे आयोजित दिवाळी मिलन सोहळ्यात केचे पुन्हा बरसले. म्हणाले की गावागावात भाजप शिरण्यासाठी मेहनत घ्यावी लागली. तेव्हा आज हिरवळ दिसत आहे. आज म्हणूनच कार्यकर्ता भाजपच्या पाठीशी उभा आहे. जर ‘ दादाराव ‘ सोबत नसेल तर या मतदारसंघात भाजपचा बुरुज ढासळल्या शिवाय राहणार नाही, असा स्पष्ट इशारा केचे यांनी देऊन टाकला. पुढे आणखी कमाल केली. येणारी विधानसभा मीच लढणार, माझ्याशिवाय दुसरा पर्याय नाही, असेही त्यांनी खडसावून सांगितले.

Congress Promising 5000 Rs per month for poor families
“गरीब कुटुंबांना दरमहा ५,००० रुपये देणार”, निवडणुकीआधी काँग्रेसची मोठी घोषणा; म्हणाले, “हे आश्वासन नाही, तर…”
syama prasad mookerjee
”३७० जागा जिंकणं श्यामाप्रसाद मुखर्जींना श्रद्धांजली”; पंतप्रधान मोदी असं का म्हणाले?
MP Rajan vichare
माझ्या जीवाचे काही झाल्यास मुख्यमंत्री आणि गृहमंत्री जबाबदार – खासदार राजन विचारे
Finance Minister Nirmala Sitharaman reply to opponents that there is no bias in fund distribution
निधीवाटपात पक्षपात नाही! अर्थमंत्री निर्मला सीतारामन यांचे विरोधकांना प्रत्युत्तर

हेही वाचा… “विदर्भात ९० हजार कोटींच्या गुंतवणुकीचे काय झाले?” प्रदीप माहेश्वरी यांचा सवाल

एकप्रकारे पक्षश्रेष्ठींना आव्हान देत त्यांनी उमेदवारीच घोषित करून टाकली. वानखेडे हे फडणवीस यांचे दूत असल्याचे स्पष्ट आहे. म्हणून केचे यांचे वक्तव्य थेट फडणवीस यांनाच आव्हान असल्याची चर्चा उसळली. विशेष म्हणजे यावेळी संघटन मंत्री डॉ.उपेंद्र कोठेकर, खासदार रामदास तडस व पक्षाचे अन्य बडे पुढारी उपस्थित होते. काही दिवसापूर्वी वानखेडे यांनी असाच दिवाळी सोहळा आयोजित केला होता. त्यास केचे पण उपस्थित होते.या ठिकाणी मात्र वानखेडे यांची अनुपस्थिती कार्यकर्त्यांना जाणवली.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mla dadarao keches challenge to deputy chief minister devendra fadnavis about contesting arvi assembly election pmd 64 dvr

First published on: 01-12-2023 at 16:37 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×