नागपूर: उपराजधानीतील एका ऑटोरिक्षा चालकाने बुधवारी एका शाळकरी विद्यार्थीनीशी अश्लिल चाळे केल्याची चित्रफीत समाज माध्यमांवर व्हायरल झाली. ही विकृती ठेचून काढण्यासाठी या ऑटोरिक्षा चालकावर कठोर कारवाई करा, अशी मागणी खुद्द विदर्भ ऑटोरिक्षा चालक फेडरेशनकडून केली गेली.

फेडरेशनचे अध्यक्ष विलास भालेकर म्हणाले, विकृत ऑटोरिक्षा चालकाने केलेल्या कृत्याची चित्रफीत पुढे आल्यावर पोलिसांनी आटोरिक्षा चालकाला अटक केली. या ऑटोरिक्षा चालकाद्वारे केलेले हे कृत्य अत्यंत निंदाजनक आणि संतापजनक आहे. समाजातील या पद्धतीची वाईट विकृती ठेचून काढण्यासाठी या ऑटोरिक्षा चालकावर कठोर कारवाई करावी. त्याने स्वत:च्या व्यवसायाप्रती अप्रामाणिकपणा दाखवला. त्याचा परवाना रद्द करावा, अशी मागणी फेडरेशनकडून करण्यात आली. पालक ऑटोरिक्षा चालकावर विश्वास ठेवून पाल्यांना ऑटोरिक्षाने शाळेत पाठवतात. या विश्वासाला तडे जाऊ न देण्याचे काम ऑटोरिक्षा चालकाचे असते. परंतु या विकृत मानसिकतेच्या काही ऑटोरिक्षा चालकांमुळे सर्वच ऑटोरिक्षा चालकांवर अविश्वास येऊ शकतो. तेव्हा आपला व्यवसाय हा प्रामाणिकपणे करावा असेही भालेकर म्हणाले.

bombay High Court, bombay High Court Displeased with States Delay in RTE Affidavits, High Court Orders Prompt Action on Admission Issue, rte admission, right to education, Maharashtra government
आरटीई कायद्यातील दुरुस्तीला स्थगितीचे प्रकरण : दीड महिन्यांपासून प्रतिज्ञापत्र दाखल न करणाऱ्या सरकारला उच्च न्यायालयाचे खडेबोल
Agarwal couple along with three sent to Yerawada jail in Kalyaninagar accident case
कल्याणीनगर अपघात प्रकरणात अगरवाल दाम्पत्यासह तिघांची येरवडा कारागृहात रवानगी
INS Vikrant, police report,
आयएनएस ‘विक्रांत’ प्रकरण : प्रकरण बंद करण्याबाबत दाखल पोलिसांच्या अहवालावर लवकर निर्णय घ्या – उच्च न्यायालय
Clarify stand on Jitendra Awhads plea to consolidate all offences High Court orders govt
श्रीरामाबाबत केलेले वादग्रस्त वक्तव्य : सर्व गुन्हे एकत्र करणाच्या आव्हाडांच्या याचिकेवर भूमिका स्पष्ट करा, उच्च न्यायालयाचे सरकारला आदेश
Cancel the NEET exam immediately Demand of Medical Education Minister Hasan Mushrif in chorus of opposition
‘नीट’ परीक्षा तात्काळ रद्द करा; विरोधकांच्या सुरात वैद्याकीय शिक्षण मंत्री हसन मुश्रीफ यांचा सूर
panvel Electricity consumers
पनवेल: अखंडीत वीज समस्येसाठी वीजग्राहक, महावितरण कंपनीच्या अधिका-यांची तळोजात बैठक
maha vikas aghadi workers cheering after victory
मतमोजणीस्थळी मविआचा जल्लोष, महायुतीची निराशा; अंबड येथील मतमोजणी केंद्राबाहेरील कार्यकर्त्यांचा जल्लोष
Two officers of Sangli Municipal Corporation fined for delaying meeting
सांगली : बैठकीसाठी विलंब केल्याबद्दल दोन अधिकाऱ्यांना दंड

हेही वाचा – आनंदवार्ता ! वैद्यकीय शाखेत नवीन अभ्यासक्रम, पदव्युत्तर जागांमध्येही होणार वाढ

पालकांनीही ऑटोरिक्षा चालकाची चौकशी करावी

नागपुरातील पालकांनी ऑटोरिक्षा चालकाची पूर्ण चौकशी केल्यावरच त्यांची सेवा घ्यावी. या प्रकरणासह इतरही या पद्धतीच्या गंभीर प्रकरणाची पालकांसह नागरिकांनीही खुल्या मनाने तक्रार करण्याची गरज आहे. अन्यथा या पद्धतीचे विकृत लोक आणखी गुन्हे करण्यास प्रवृत्त होऊ शकतात, अशीही भिती भालेकर यांनी वर्तवली.

हेही वाचा – विदर्भात १५ ते २८ मे दरम्यान शून्य सावली दिवस

ऑटोरिक्षा चालकांनी व्यवसायाशी प्रामाणिक रहावे

नागपुरातील बहुतांश ऑटोरिक्षा चालक चांगल्या पद्धतीने कर्तव्य बजावत आहे. ऑटोरिक्षा चालकांनीही आपल्या व्यवसायाशी प्रामाणिक राहणे आवश्यक आहे. पोलीस प्रशासनानेही शहरात चालणाऱ्या अवैध ऑटोरिक्षा वाहतुकीवर कारवाई करावी, विद्यार्थ्यांची ने – आण करणाऱ्या ऑटोरिक्षा चालकांची सर्व माहिती स्वत:कडे ठेवावी. जेणेकरून भविष्यात या पद्धतीची घटना घडणार नाही, असेही भालेकर म्हणाले.