scorecardresearch

“आमदारांच्या कपबशा धुण्यासाठी विशेष टॉयलेटची व्यवस्था”, व्हिडीओ ट्वीट करत मिटकरींचे भाजपावर टीकास्त्र; म्हणाले…

“१०० कोटी रुपयांचं कंत्राट दिलं…”, असेही मिटकरींनी म्हटलं आहे.

“आमदारांच्या कपबशा धुण्यासाठी विशेष टॉयलेटची व्यवस्था”, व्हिडीओ ट्वीट करत मिटकरींचे भाजपावर टीकास्त्र; म्हणाले…
अमोल मिटकरी देवेंद्र फडणवीस ( लोकसत्ता ग्राफिक्स टीम )

दोन वर्षानंतर नागपूरमध्ये हिवाळी अधिवेशन पार पडत आहे. हे अधिवेशन पहिल्या दिवसापासून वेगवेगळ्या मुद्द्यांना गाजलं आहे. सीमाप्रश्न, महाराष्ट्रातील प्रकल्प, भूखंड घोटाळ्यावरून विरोधकांनी दोन्ही सभागृहात शिंदे-भाजपा सरकारला धारेवर धरलं आहे. त्यातच आता आमदार निवासातील एक धक्कादायक व्हिडीओ समोर आला आहे. राष्ट्रवादी काँग्रेसचे आमदार अमोल मिटकरी यांनी ही व्हिडीओ ट्वीट करत भाजपावर टीकास्त्र सोडलं आहे.

‘आझादी का अमृत महोत्सव’ हा हॅशटॅग वापरून अमोल मिटकरींनी एक व्हिडीओ ट्वीट केला आहे. त्यामध्ये आमदार निवासातील कपबशी धुण्यासाठी टॉयलेटमधील पाण्याचा वापर करण्यात येत असल्याचा आरोप मिटकरींनी केला आहे. “हे आहे नागपूर हिवाळी अधिवेशनातील आमदार निवासस्थानातील उपहारगृह. हजारो कोटीचे टेंडर कंत्राटदाराला दिल्यानंतर आमदारांच्या कपबशा धुण्यासाठी कंत्रादारांकडून विशेष टॉयलेटची व्यवस्था,” असं अमोल मिटकरी यांनी म्हटलं आहे.

यानंतर टीव्ही ९ मराठीशी बोलताना अमोल मिटकरी म्हणाले, “आमदार निवासाचं कोट्यवधी रुपयांचं कंत्राट भाजपाने दिलं आहे. मोजके आमदार त्याठिकाणी राहतात. टॉयलेटमध्ये कपबश्या आणि जेवणाची ताटे धुतले जातात. अजून एक व्हिडीओ आहे, त्यात तिरंगी ध्वजाने इमारती पुसल्या गेल्या आहेत. याबाबत विधानपरिषदेत आवाज उठवणार आहे. १०० कोटी रुपयांचं कंत्राट दिलं असून, ते गेले कुठं,” असा सवाल मिटकरी यांनी उपस्थित केला आहे.

मराठीतील सर्व नागपूर / विदर्भ ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 22-12-2022 at 10:01 IST

संबंधित बातम्या