scorecardresearch

Premium

राष्ट्रवादी काँग्रेसची संघर्ष यात्रा, जुन्या पेंशनसाठी मोर्चा एकाच दिवशी; १२ डिसेंबरला पोलिसांची कसोटी

येत्या ७ ते २० डिसेंबरला शहरात विधिमंडळाचे हिवाळी अधिवेशन होत असून यावर्षी अधिवेशनादरम्यान विविध संघटना, राजकीय पक्ष, सामाजिक गट आणि कर्मचाऱ्यांचे जवळपास १३० मोर्चे धडकण्याची शक्यता आहे.

NCPs Sangharsh Yatra and march for old pension on same day
मोर्चा आणि संघर्ष यात्रेसाठी पोलिसांच्या बंदोबस्ताची परीक्षा राहणार आहे.(फोटो- संग्रहित छायाचित्र)

लोकसत्ता टीम

नागपूर : येत्या ७ ते २० डिसेंबरला शहरात विधिमंडळाचे हिवाळी अधिवेशन होत असून यावर्षी अधिवेशनादरम्यान विविध संघटना, राजकीय पक्ष, सामाजिक गट आणि कर्मचाऱ्यांचे जवळपास १३० मोर्चे धडकण्याची शक्यता आहे. त्यातही १२ डिसेंबरला राष्ट्रवादी काँग्रेसची संघर्ष यात्रा आणि जुनी पेंशनसाठी शासकीय कर्मचाऱ्यांचा मोठा मोर्चा आहे. या मोर्चा आणि संघर्ष यात्रेसाठी पोलिसांच्या बंदोबस्ताची परीक्षा राहणार आहे.

Ajit Pawar group
विविध समूह घटकांचा विश्वास संपादन करण्यावर अजित पवार गटाचा भर
There is a threat of disruption of electricity supply in the state due to the agitation of the contractual electricity workers
राज्यातील वीज पुरवठा विस्कळीत होण्याचा धोका!; कंत्राटी वीज कर्मचाऱ्यांचे आंदोलन तीव्र
This is BJP manifesto Congress reply to the government in the Lok Sabha on the white paper
हा भाजपचा जाहीरनामा! श्वेतपत्रिकेवरून लोकसभेत काँग्रेसचे सरकारला प्रत्युत्तर
ajit pawar camp lawyers argument in court on sharad pawar ncp chief post
शरद पवार पक्षाचे सदस्य नसताना अध्यक्षपदी कसे? अजित पवार गटाच्या वकिलांचा युक्तिवाद; विधानसभा अध्यक्षांपुढे आमदार अपात्रतेबाबत सुनावणी

हिवाळी अधिवेशनात संपूर्ण राज्यातून पोलीस कर्मचाऱ्यांना बंदोबस्तासाठी बोलावण्यात येते. ७ ते २० डिसेंबरदरम्यान होणाऱ्या अधिवेशनासाठी बाहेर जिल्ह्यातून ३ हजार पोलीस कर्मचारी येण्याची शक्यता आहे. १२ डिसेंबर रोजी राष्ट्रवादी काँग्रेसचे नेते रोहित पवार यांची संघर्ष यात्रा नागपुरात पोहचणार आहे. ही यात्रा विधानभवनाजवळ थांबवण्यात येणार आहे. त्यांची सभा मॉरेस कॉलेज चौकात होणार आहे.

आणखी वाचा-“हातात दगड घेऊ, कायदा पाहणार नाही,” विरोधी पक्षनेते वडेट्टीवार यांचा सरकारला इशारा

तसेच जुनी पेंशनसाठी राज्यातील जवळपास २५ हजार शासकीय कर्मचारी विधानभवनावर धडकणार आहेत. त्यांनी सीताबर्डी परिमंडळ दोनजवळ थांबवण्यात येणार आहे. संघर्ष यात्रा आणि जुनी पेंशन संघटनेचे कर्मचारी एकत्र येऊन विशाल सभेत रूपांतर होण्याची शक्यता होती. मात्र, पोलिसांनी कर्मचारी संघटनेला वेगळा मार्ग ठरवून दिला. हिवाळी अधिवेशनदरम्यान वाहतुकीची कोंडी होणार आहे. सध्या बंद असलेला टेकडी मार्ग तेथील मलबा हटवून पुन्हा करण्यात येणार आहे. त्या रस्त्यावरून मोर्चेकऱ्यांना परवानगी देण्यात येणार आहे.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Ncps sangharsh yatra and march for old pension on same day adk 83 mrj

First published on: 30-11-2023 at 17:10 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×