scorecardresearch

Premium

“हातात दगड घेऊ, कायदा पाहणार नाही,” विरोधी पक्षनेते वडेट्टीवार यांचा सरकारला इशारा

शेतकरीच काय आम्ही देखील हातात दगड घेऊ. कायदा-बियदा जुमानणार नाही, असा इशारा विरोधी पक्ष नेते विजय वडेट्टीवार यांनी दिला आहे.

Opposition leader vijay vadettiwars warning to the government
विजय वडेट्टीवार यांनी राज्य सरकारला खडे बोल सुनावले. (फोटो- लोकसत्ता टीम)

लोकसत्ता टीम

बुलढाणा: अस्मानी सुलतानीचा जबर तडाखा बसलेल्या लाखो शेतकऱ्यांना तात्काळ मदतीची गरज आहे. त्यामुळे वाटल्यास विकासमांचा निधी वर्ग करून आणि निकषांचा बाऊ न करता मदत करा. असे न केल्यास शेतकरीच काय आम्ही देखील हातात दगड घेऊ. कायदा-बियदा जुमानणार नाही, असा इशारा विरोधी पक्ष नेते विजय वडेट्टीवार यांनी दिला आहे.

saleem sherwani on akhilesh
अखिलेश यादव मुस्लीम शब्द का उच्चारत नाहीत? असा सवाल करत सपा नेत्याचा राजीनामा 
Rahul Narwekar Sharad Pawar Ajit Pawar
MLA Disqualification Case : निकाल देताना घटनेतील १० व्या परिशिष्टाचा वापर केला नाही? विरोधकांच्या आरोपांवर नार्वेकर म्हणाले…
Narendra Modi criticizes Pandit Nehru on reservation
नेहरू आरक्षणविरोधी! पंतप्रधानांचे टीकास्त्र, काँग्रेसवरही आरोपांच्या फैरी 
devendra fadnavis chhagan bhujbal
छगन भुजबळांच्या राजीनाम्यावर देवेंद्र फडणवीसांची पहिली प्रतिक्रिया; म्हणाले, “मुख्यमंत्र्यांनी त्यांचा…”

ना. वडेट्टीवार यांनी आज गुरुवारी ( दि ३०) सिंदखेडराजा तालुक्यातील सावरगाव माळ येथील पिकनुकसानीची पाहणी करून शेतकऱ्यांना दिलासा दिला. यानंतर निवडक माध्यमांशी बोलतांना त्यांनी राज्य सरकारला वरील शब्दात खडे बोल सुनावले. बुलढाणा जिल्ह्यासह राज्यातील शेतकरी कधी अतिवृष्टी, कधी दुष्काळ, गारपीट, अवकाळी पाऊस असा चोहोबाजूनी संकटात अडकला आहे. मानसिक, आर्थिकदृष्ट्या कोलमडला आहे. पीकविमा कंपन्यांची मस्ती वाढली असून ते शेतकऱ्यांशी अडवणूक करीत आहे.

आणखी वाचा-‘वाईन महोत्सव’ २ डिसेंबरपासून; नाशिकच्या द्राक्षांपासून निर्मित वाईनची मजा नागपुरात घेता येणार

भयावह स्थितीच्या दुष्टचक्रात अडकलेल्या लाखो शेतकऱ्यांना तात्काळ तेही निकषांपलीकडे जाऊन मदत करणे काळाची गरज आहे. सरकार नुसतेच निकष निकष करीत बसले असून त्यांनी शेतकऱ्यांच्या संयमाची परीक्षा पाहू नये. सरकार असेच ढिम्म राहिले तर शेतकरी हातात दगड घेतील, त्यांच्या समवेत आम्ही देखील हातात दगड घेऊ असा परखड इशारा वडेट्टीवार यांनी दिला. तेंव्हा आम्ही कायद्याची देखील तमा बाळगणार नाही असे त्यांनी ठणकावून सांगितले.

शेतकरी वाचला पाहिजे

राज्य सरकारने शेतकऱ्यांना निकषापेक्षा जास्त मदत, भरपाई, पीक विम्याची रक्कम तातडीने देणे आवश्यक आहे. उधोगपतींचे करोडोंचे कर्ज माफ करता मग शेतकऱ्यांनी काय घोडे मारले? असा सवाल त्यांनी केला. नुकसान भरपाई देतांना पिकांची वर्गवारी करून मदत घ्यावी अशी सूचना त्यांनी केली. पिकांचा, फळांच्या एकरी लागवड खर्चात फरक असतो पण मदत सारखीच दिली जाते हे कितपत योग्य ? असा सवाल विरोधी पक्षनेत्याने यावेळी केला.यावेळी त्यांच्यासोबत माजी जिल्हा परिषद सदस्य मनोज कायंदे काँग्रेसचे तालुकाध्यक्ष शिवदास रिंढे, शहराध्यक्ष सिद्धार्थ जाधव ,सरपंच निवृत्ती कठोरे यासह शेतकरी उपस्थित होते.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Opposition leader vijay vadettiwars warning to the government scm 61 mrj

First published on: 30-11-2023 at 17:01 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×