‘एमआयएम’ नव्हे भाजपला शरण गेलेले नेते ‘बी टीम’! जिल्हाध्यक्षांचा टोला; म्हणाले, “आम्हीही लोकसभा लढविणार…”

स्थानिय पत्रकार भवनात माध्यम प्रतिनिधींसोबत संवाद साधताना त्यांनी ही माहिती दिली. महायुती आणि आघाडी काही वेगळे नसून दोघा पक्षाना मुस्लिम व दलित समुदायाबद्दल काहीच देणे-घेणे नाहीये. या दोघांनी राज्यात लक्षणीय संख्येत असलेल्या मुस्लिम समाजाला ४८ पैकी एकाही जागी उमेदवारी न देणे ,ही बाब सिद्ध करणारी आहे.

आणखी वाचा-छत्तीसगड सीमेवर पोलीस-नक्षल चकमक, निवडणुकीच्या पार्श्वभूमीवर घातपात…

बुलढाणा मतदारसंघातील युती, आघाडीचे उमेदवार व दोन प्रमुख अपक्ष मराठा समुदायाचे आहेत. यामुळे आम्ही उपेक्षित मुस्लिम व दलित समाजाची मोट बांधून जागा लढविणार आहे. बुधवारी पार पडलेल्या पक्षाच्या जिल्हा बैठकीत बुलढाणा लोकसभा लढविण्याचा निर्णय घेण्यात आला. पक्षश्रेष्ठींना मोबिन खान, दानिश शेख व अन्य एक मिळून तीन उमेदवारांची नावे पाठविण्यात आली. यातील एका नावाची घोषणा आज उद्या करणार असल्याचे डॉ खान यांनी स्पष्ट केले.