नागपूर रेल्वे स्थानकात मुख्य प्रवेशद्वार बंद, तिकीट खिडकी हलवली ! पंतप्रधानांच्या दौऱ्यामुळे प्रवासी वेठीस

नागपूर : पंतप्रधान नरेंद्र मोदी हे नागपूर-बिलासपूर वंदे भारत एक्सप्रेसला मध्यवर्ती नागपूर रेल्वेस्थानकावर हिरवा झेंडा दाखवणार आहेत. त्यामुळे मुख्य प्रवेशद्वारावरील तिकीट खिडकी बंद राहणार असून प्रवाशांनाही या भागात येण्यास मज्जाव करण्यात येणार आहे. मोदी हे देशातील सहाव्या वंदे भारत एक्सप्रेसचे लोकार्पण रविवारी सकाळी १० च्या सुमारास करतील. त्यासाठी रेल्वेस्थानकाच्या मुख्य प्रवेशद्वाराकडील सर्व प्रकारची तिकीट विक्री केंद्र बंद राहतील. मात्र संत्रा मार्केट प्रवेशद्वारकडे तिकीट विक्री सुरू राहणार आहे.