अकोला : खाद्यपदार्थांचा दर्जा राखण्यासाठी रेल्वे प्रशासन 'अलर्ट मोड'वर, उपहारगृहांची कसून तपासणी; भुसावळ विभागात विशेष मोहीम

स्वच्छ अन्न दिनानिमित्त भुसावळ विभागातील रेल्वेस्थानकांवर असलेल्या उपहारगृहांची आरोग्य निरीक्षकांकडून रविवारी विशेष तपासणी मोहीम राबविण्यात आली.

अकोला : खाद्यपदार्थांचा दर्जा राखण्यासाठी रेल्वे प्रशासन 'अलर्ट मोड'वर, उपहारगृहांची कसून तपासणी; भुसावळ विभागात विशेष मोहीम (छायाचित्र - लोकसत्ता टीम)

अकोला : स्वच्छ अन्न दिनानिमित्त भुसावळ विभागातील रेल्वेस्थानकांवर असलेल्या उपहारगृहांची आरोग्य निरीक्षकांकडून रविवारी विशेष तपासणी मोहीम राबविण्यात आली. या मोहिमेमध्ये खाद्यपदार्थांचा दर्जा राखल्या जावा म्हणून नमुने घेण्यात आले आहेत.

स्वच्छता पंधरवाड्याअंतर्गत २४ सप्टेंबर रोजी स्वच्छ अन्न दिनानिमित्त भुसावळ विभागातील खांडवा, भुसावळ, बडनेरा, नांदगाव, मनमाड आदी स्थानकांवरील उपहारगृह, खाद्य पदार्थांचे दालन, प्रशिक्षण संस्था आणि विभागीय रेल्वे व्यवस्थापक कार्यालयातील उपहारगृहांची कसून तपासणी मुख्य आरोग्य निरीक्षक व आरोग्य निरीक्षकांनी केली.

हेही वाचा – गोंदिया : गणेशोत्सवावर चांद्रयानाची छाप; रॉकेट, विक्रम लॅडर अन् प्रज्ञान रोव्हरच्या प्रतिकृती ठरताहेत लक्षवेधी

हेही वाचा – सणासुदीच्या काळात रेल्वे प्रवाशांची अडचण होणार; पश्चिम व दक्षिण भारताकडे जाणाऱ्या रेल्वेगाड्यांना…

This quiz is AI-generated and for edutainment purposes only.

तपासणीदरम्यान उपहारगृह व खाद्यपदार्थांचे दालन, ‘रनिंग रूम’, विक्रेते, कर्मचारी, खाद्यपदार्थांचा दर्जा, स्वयंपाकघरात वापरण्यात येणारी भांडी, साठवण कक्ष, पाकीट बंद खाद्यपदार्थांची मुदत आदींची तपासणी करण्यात आली. सुका कचरा व ओला कचरा विल्हेवाट लावण्यासाठी स्वच्छतेच्या कामात कायमस्वरुपी सुधारणा करण्यासाठी दालनधारकांचे समुपदेशन करण्यात आले आहे. तसेच खाद्यपदार्थांचा दर्जा राखण्यासाठी कच्चा मालाच्या खाद्यपदार्थांचे नमुनेही घेण्यात आले आहेत, अशी माहिती रेल्वेच्या भुसावळ विभागाकडून देण्यात आली.

First published on: 25-09-2023 at 14:28 IST

Web Title: Railway administration on alert mode to maintain food quality a thorough inspection of restaurants special campaign in bhusawal division ppd 88 ssb