‘सामना’ हे वृत्तपत्र नसून ते शिवसेनेचे ‘पॅम्प्लेट’, सुधीर मुनगंटीवार यांची टीका, म्हणाले “सर्वोच्च न्यायालयाचा निकाल…”

शिवसेनेप्रमाणे राष्ट्रवादी फोडण्याचा भाजपचा प्लान होता, असा आरोप ठाकरे गटाचे मुखपत्र सामना संपादकीयमधून केला होता. यावर मुनगंटीवार यांनी उत्तर दिले आहे. पक्ष फोडण्याचा डाव होता तर डाव होऊ देवू नका. शिवसेना, राष्ट्रवादी, काँग्रेस फुटत आहे. जे नेते आपला पक्ष सांभाळू शकत नाही. आमदारांना सांभाळू शकत ते नेते लायकीचे नसून त्यांनी राजकारण सोडून टाका, असा घणाघात मुनगंटीवारांनी संजय राऊतांवर केला आहे. देवेंद्र फडणवीसांना सर्वोच्च न्यायालयाचा निकाल माहित असेल, असे शरद पवारांनी म्हटले होते.

हेही वाचा >>> वर्धा : काश्मीर ते कन्याकुमारी मार्गावरील जाम ते वना पूल दरम्यान दोन महिन्यांत पंधरा अपघात

याबाबत बोलताना मुनगंटीवार म्हणाले, जर सर्वोच्च न्यायालयाचे निकाल आधीच माहित होत असतील तर कशाला पैसे खर्च करायचे? देशात कोणीही व्यक्ती असा दावा करीत असेल तर आश्चर्य आहे. मात्र, सर्वोच्च न्यायालयाचा निकाल हा एकनाथ शिंदे यांच्या बाजूनेच येणार असल्याचा विश्वास ही त्यांनी व्यक्त केला. दरम्यान, बिहार राज्याचे मुख्यमंत्री नितीश कुमार ठाकरे यांची मुंबईमध्ये येऊन भेट घेणार आहेत. यावर मुनगंटीवार यांना विचारले असता त्यांनी नितीश कुमार यांच्यावर टीका करत त्यांना स्वतःचे राज्य सांभाळता येत नाही. त्यांच्या राज्याचा प्रगतीचा वेग अजूनही कमी आहे. यांना स्वैराचारी सत्ता पाहिजे, असा निशाणा त्यांनी कुमारवर साधला.

हेही वाचा >>> चंद्रपूर : “खरीप हंगामात शेतकऱ्यांना कोणतीही अडचण होऊ देऊ नका”; पालकमंत्र्यांचे विविध यंत्रणांना निर्देश, म्हणाले..

कर्नाटकचे मुख्यमंत्री बसवराज बोम्मोई सरकारने शेतकऱ्यांसाठी आणि कर्नाटकच्या विकासासाठी फार चांगले काम केलेले आहे कर्नाटकचा विकास मोठ्या प्रमाणात झाला आहे आणि त्यामुळे कर्नाटक मधील लोकं हे भाजपलाच मतदान करतील आणि मतदान करताना जातिभेद, धर्मभेद, पंतभेद बाजूला सारून ते मतदान करतील असेही मुनगंटीवार म्हणाले. या वेळी त्यांच्या सोबत खासदार अशोक नेते, सुनील मेंढे, आमदार विजय रहांगडाले उपस्थित होते.