महेश बोकडे, लोकसत्ता

नागपूर : राज्य शासनाच्या अखत्यारित असलेल्या महाराष्ट्र राज्य मार्ग परिवहन महामंडळाकडून (एसटी) वयाची चाळीशी ओलांडलेल्या त्यांच्या अधिकारी, कर्मचाऱ्यांसाठी धर्मवीर आनंद दिघे आरोग्य तपासणी योजना लागू करण्यात आली आहे. त्यामुळे आता पूर्वीच्या ५०० रुपयांच्या एवजी ११ प्रकारची तपासणी केल्यास प्रत्येक दोन वर्षांत संबंधितांना ३ हजार रुपयांची प्रतिपुर्ती महामंडळ करणार आहे.

Traffic congestion, Divisional Commissioner office area,
विभागीय आयुक्त कार्यालय परिसरातील वाहतुकीचा बोजवारा, वाहनचालकांना पाच ते दहा किलोमीटरचा वळसा
New policy, MHADA, MHADA officers,
म्हाडा अधिकारी, कर्मचाऱ्यांची मक्तेदारी संपविण्यासाठी नवे धोरण
5 Crore and 45 lakh embezzlement in Nandura Urban Bank
नांदुरा अर्बन बँकेत साडेपाच कोटींचा अपहार, कर्मचाऱ्यांनी ऑनलाईन…
property developers Kalyan seized
कल्याणमधील २६ विकासकांच्या ११४ कोटींच्या मालमत्ता जप्त, ८८ हजार ८७६ चौरस मीटरच्या मालमत्तांचा लिलाव

एसटी महामंडळात पूर्वी बस चालकांना नेत्र तपासणी सक्तीची होती. तर दुसरीकडे काही तपासणीसाठी महामंडळाकडून कर्मचारी- अधिकाऱ्यांना ५०० रुपये वैद्यकीय प्रतिपुर्ती केली जात होती. परंतु, महामंडळाने १ फेब्रुवारी २०२४ रोजी वयाची चाळीशी ओलांडलेल्या सगळ्या अधिकारी- कर्मचाऱ्यांना धर्मवीर आनंद दिघे आरोग्य तपासणी योजना लागू केली आहे. त्यानुसार प्रत्येक दोन वर्षांत अधिकारी- कर्मचाऱ्यांना ‘सीबीसी’सह विविध प्रकारच्या तब्बल ११ तपासणी करणे बंधनकारक राहणार आहे.

आणखी वाचा-‘मुख्यमंत्री एकनाथ शिंदे यांची मराठ्यांबाबतची विशेष भूमिका जातीयवादी’, ओबीसी युवा मंचचा आरोप

नवीन योजनेनुसार या सगळ्या तपासण्यांसाठी लागणाऱ्या खर्चाची ३ हजार रुपयापर्यंतची प्रतिपुर्ती महामंडळाकडून संबंधित अधिकारी- कर्मचाऱ्यांना करावी लागणार आहे. परंतु, तपासणीसाठी प्रथम अधिकारी, कर्मचाऱ्यांना स्वत:च खर्च करायचा आहे. महामंडळातील कर्मचारी- अधिकारी आरोग्याच्या दृष्टीने जागृत रहावे सोबत त्यांचे आरोग्य चांगले राहल्यास प्रवाश्यांना सुरक्षीत प्रवास करता येईल, म्हणून ही योजना असल्याचे महामंडळाचे म्हणणे आहे. त्यातच या वैद्यकीय तपासणीसाठीचा एक दिवस संबंधित अधिकारी- कर्मचाऱ्याचा कर्तव्यकाळ म्हणूनही समजण्यात येणार आहे. त्यामुळे संबंधित कर्मचाऱ्याला तो वैद्यकीय तपासणीसाठी मुख्यालय वा मुख्यालयाबाहेरील रुग्णालयात जाणार असल्याची पूर्वकल्पना संबंधितांना द्यावी लागणार आहे. या वैद्यकीय तपासणीची नोंद त्याच्या सेवापुस्तकातही होणार आहे. या योजनेबाबतचे आदेश राज्यातील सगळ्याच विभाग नियंत्रक कार्यालयात गुरूवारी धडकले. या वृत्ताला नागपूरातील एसटीच्या विभाग नियंत्रक कार्यालयाने दुजोरा दिला आहे.

आणखी वाचा-बुलढाणा: बिबट्याच्या हल्ल्यात वृद्ध शेतकरी जखमी; आरडाओरड केल्याने वाचले प्राण

‘या’ तपासणी बंधनकारक

सी. बी. सी., थायरॉईड, ब्लूड शुगर एच. बी. ए. आय. सी., कोलेस्ट्रॉल, लिव्हर फंक्शन, किडनी फंक्शन, बोन डेन्सिटी, बोन डोन्सिटी, एक्स- रे / ई. सी. जी., आय टेस्ट, मॅमोग्राफी (फक्त महिलांसाठी) बंधनकारक आहे.