खबरदार! ट्रॅव्हल्सच्या प्रवाश्यांचे संपूर्ण नाव, पत्ता नसल्यास होणार कठोर कारवाई

समृध्दी मार्गावर दर शंभर किलोमीटर अंतरावर थांबा देण्याचे नियोजन करण्याची बाब अग्रक्रमाने अमलात आणण्याचा आग्रह तडस यांनी सभेत धरला.आमदार डॉ.पंकज भोयर यांनीही त्याचीच री ओढली.तसेच प्रवाशी नोंद कळीचा मुद्दा ठरला असल्याचे बुलढाणा अपघातात दिसून असल्याचे आमदार डॉ.भोयर म्हणाले. त्यावर जिल्हाधिकारी राहुल कर्डिले यांनी याबाबत स्पष्ट निर्देश शासनाने दिल्याचे नमूद केले. महामार्गावरून धावणाऱ्या खाजगी बसेस काटेकोर तपासाव्या. प्रवासाचे आरक्षण करतांना प्रवाश्याचे संपूर्ण नाव,पत्ता व मोबाईल क्रमांक नमूद असावे. यात त्रुटी दिसून आल्यास कठोर कारवाई करण्याची सूचना देण्यात आले असल्याचे सांगण्यात आले. अपघातस्थळी तात्काळ आरोग्य सेवा देण्याची बाब उपस्थित करण्यात आली.