बुलढाणा : साखरखेर्ड्यात तणाव; प्रक्षुब्ध जमावाची पोलीस ठाण्यावर धडक, पोलिसांचा सौम्य लाठीमार

यापूर्वी १३ एप्रिलच्या रात्री साडेआठच्या सुमारास साखरखेर्डा येथील जाफ्राबाद मोहल्ल्यातील गवंडीची सुतगिरणी परिसरात शेख आदिल याची गळा आवळून हत्या करण्यात आली. पोलिसांनी एका आरोपीला अटक करून खुनाचा गुन्हा दाखल केला. मात्र यावर पीडित कुटुंबाचे समाधान झाले नाही. काल, १४ एप्रिलला दुपारी मृताचा दफनविधी पार पडला. त्यानंतर रात्री साडेदहाच्या सुमारास संतप्त नातेवाईक पोलीस ठाण्यावर धडकले. यावेळी पोलिसांनी जमावावर सौम्य लाठीमार केला.

हेही वाचा – गोंदिया : ना, ना करत पटोलेंनीही धरला ठेका; भीम ज्योती रॅलीत कार्यकर्त्यांच्या आग्रहाखातर केला डान्स, एकदा पहाच..

या प्रकरणी साखरखेर्डा पोलिसांनी शेख अजर शेख अफसर (३३), साजीदखान सलीमखान पठाण ( २६), शेख समीर शेख रौफ ( ३०), अजहर शेख हनिफ (२५ ),  शेख सिकंदर शेख रफिक (२५), साबीर हुसेन लायक हुसेन (३२), अजीम खान शरीफखान पठाण (४०), मोहम्मद रफीक मोहम्मद शेफीक (३०),  शेख अरशद शेख अफसर (२९ ),  शेख सांडु शेख कादर( ४३), फैजानखान मुजमीलखान ( २४), शेख आवेश शेख शकील (२३), शेख अनिस शेख चांद (३५), शेख सोहील शेख अकील ( २१ ), मुक्तार मास्तर (४५), एजाज मास्तर (४३), अयुब कुरेशी ( ४०), शेख नइम शेख अयुम (४०), शेख शकी ( ४५), अशपाक शहा मुनीरशहा ( ४५), शेख शकील शेख शफी (४२), सर्व रा. साखरखेर्डा यांच्याविरुद्ध गुन्हे दाखल करण्यात आले आहे. जिल्हाधिकारी यांच्या आदेशाचा भंग केला यावरून २१ जणांवर गुन्हे दाखल करण्यात आले आहे.

काय आहे प्रकरण?

१३ एप्रिलला रात्री शेख आदिल शेख अकिल (१७) व प्रशांत गवई (रा. सावंगी भगत) या दोघांचे क्षुल्लक कारणावरून भांडण झाले. यावेळी प्रशांतने आदिलचा गळा आवळला. आदिल हा जागेवर बेशुद्ध पडला. त्याला चिखली येथे नेत असताना वाटेत त्याची प्राणज्योत मालवली. दरम्यान, रात्री उशिरा पोलिसांनी प्रशांत यास अटक केली.

हेही वाचा – “८० टक्के समाजकारण करा, राजकारण करण्याची गरजच पडणार नाही”, नितीन गडकरींचा ‘मौलिक’ सल्ला

वरिष्ठ दाखल

मात्र शुक्रवारी रात्री उशिरा शंभर ते दीडशे जणांच्या संतप्त जमावाने पोलीस स्टेशन गाठले. पोलिसांनी परिस्थिती हाताबाहेर जात असल्याने सौम्य लाठीमार केला. दंगल नियंत्रण पथकासह बुलढाण्याचे उपविभागीय पोलीस अधिकारी सचिन कदम, मेहेकरचे उपविभागीय पोलीस अधिकारी विलास यामावार, स्थानिक गुन्हे शाखेचे पोलीस निरीक्षक अशोक लांडे घटनास्थळी दाखल झाले.