वाशीम : कडक उन्हाळयाचे दिवस असल्यामुळे हातपंप, नद्या, प्रकल्पासंह विहिरींनी तळ गाठला आहे. त्यामुळे ग्रामीण भागातील नागरिकांना पाण्यासाठी पायपीट करावी लागत आहे. जिल्ह्यातील २०० गावांपेक्षा अधिक गावात पाणीटंचाईचा अंदाज असून जिल्हा प्रशासनाने १६६ कोटींचा कृती आराखडा तयार केला आहे. मात्र बहुतांश गावे पाणीटंचाईने होरपळत असताना प्रशासन उपयायोजना कधी करणार, असा प्रश्न उपस्थित होत आहे.

दरवर्षी उन्हाळयाच्या दिवसात जिल्ह्यातील ग्रामीण भागात पाणीटंचाईची समस्या उद्भवते. बहुतांश गावातील नागरिकांची मदार विहिरी, हातपंप व खासगी नळ योजनांवर अवलंबून आहे. मात्र कडक ऊन तापत असल्यामुळे गावातील विहरी, हातपंप, नदया कोरडया पडल्या आहेत. तर बहुतांश गावात जलजीवन मिशन योजनेंतर्गत पाईपलाईनचे खोदकाम करण्यात आल्यामुळे गावातील पाईपलाईन फुटल्याने पाण्याची समस्या निर्माण झाली आहे. परिणामी नागरिकांना दूरवरुन पाण्यासाठी पायपीट करावी लागत आहे.

Dams in Raigad district have reached the bottom less than ten percent water storage in 9 dams
रायगड जिल्ह्यातील धरणांनी गाठला तळ, ९ धरणात दहा टक्कांहून कमी पाणीसाठा
7 crore 74 lakh rupees have been spent on various water scarcity schemes
बुलढाणा : पाणी टंचाई खर्चाचे ‘मीटर’ सुसाट! टँकर पाऊणशेच्या घरात, पावणेआठ कोटी…
Mumbai, Water storage,
मुंबई : पाणीसाठा अवघा ८ टक्के, आता राखीव साठ्यावर भिस्त
Akola, health, villagers,
अकोला : दूषित पाण्यामुळे ४९ ग्रामस्थांची प्रकृती बिघडली
Tendu Season, Gadchiroli Tendu Season, Gadchiroli district, Tendu Season Hit, Price Demands, Unseasonal Rain, Unseasonal Rain Affecting Local Economy, Naxalite Extortion,
गडचिरोली : तेंदू व्यवसाय मंदावल्याने नक्षल्यांची आर्थिक कोंडी!
Mumbai, five percent Water Cut Implements in mumbai, Decreasing Dam Levels, ten percent Cut from 5 June, mumbai news, water news,
मुंबईत आजपासून ५ टक्के पाणीकपात, येत्या ५ जूनपासून १० टक्के पाणीकपात लागू होणार
water cut, Mumbai,
मुंबईत ३० मेपासून ५ टक्के, तर ५ जूनपासून १० टक्के पाणीकपात; ठाणे, भिवंडी-निजामपूर महानगरपालिका व इतर गावांनाही फटका
The way of facilities is necessary for the growth of small and medium industries
लघु, मध्यम उद्याोगवाढीसाठी सुविधांचा मार्ग गरजेचा

हेही वाचा…पोलीस भरतीत अभियंते, डॉक्टर, बी-टेक आणि एमबीएसुद्धा…! वाढत्या बेरोजगारीचा परिणाम

संभाव्य पाणीटंचाई लक्षात घेता जिल्हा प्रशासनाने १६६ कोटी ७४ लाख रुपयाचा कृती आराखडा तयार केला आहे. त्याअंतर्गत २०५ गावामध्ये १९६ विहिरी अधिग्रहीत केल्या जाणार आहेत. मात्र भर उन्हाच्या तडाख्यात महिलांसह नागरीकांना दूरवरुन पाण्यासाठी पायपीट करावी लागत असतानाही पाणीटंचाईचा सामना करावा लागत असल्यामुळे तातडीने उपाययोजना कराव्यात अशी मागणी होत आहे.

हेही वाचा…चंद्रपूर : विधानसभेसाठी इच्छुकांची जनसंपर्क मोहिमेला सुरूवात, विधानसभेसाठी इच्छुक सरसावले

भर उन्हात पाण्यासाठी पायपीट, उष्माघाताचा धोका

काही गावातील विहिरी, हातपंप व पारंपारीक पाण्याचे स्त्रोत कोरडे पडली आहेत. त्यामुळे महिलांना पाण्यासाठी शेतातील विहिरींवरुन पाण्यासाठी पायपीट करावी लागत आहे. प्रशासनाकडून वाढत्या तापमानामुळे ऊन्हापासून बचाव करावा व उष्माघाताचा धोका टाळावा, असे आवाहन केले जात आहे. परंतू दुसरीकडे ग्रामीण भागातील महिला, मुलींना भर उन्हात पाण्यासाठी भटकंती करावी लागत असल्याचे विदारक चित्र असून अशांना उष्माघातांचा फटका बसण्याची भीती व्यक्त केली जात आहे.