नागपूर : जागतिक दर्जाचे उद्यान नागपुरात साकारणार : गडकरी

हनुमान स्पोर्ट्स ॲकेडमी व जे. डी. स्पोर्ट्स यांच्यातर्फे ‘स्वीमथॉन’ या कार्यक्रमाचे उद्घाटन गडकरी यांच्या हस्ते करण्यात आले. त्यावेळी ते बोलत होते. कार्यक्रमाला नासुप्रचे सभापती मनोज सूर्यवंशी, डॉ. उगेमुगे उपस्थित होते. शहरात दिव्यांगांसाठीही एक पार्क तयार करण्यात येत आहे. त्यासाठी नागपूर सुधार प्रन्यासने जागा दिली आहे. १० ते १२ कोटींचा निधी केंद्र शासन देत आहे. येथे ब्रेन लिपित लिहिलेल्या विविध गोष्टी असतील.

दररोज एक लाख विद्यार्थी मैदानावर खेळले पाहिजे, यासाठी आपले प्रयत्न आहेत. शहरातील सहाही विधानसभा मतदारसंघात आता खेळाचे मैदाने तयार करण्यात येत आहेत. या मैदानावर खेळण्याची संधी त्या त्या भागातील खेळाडूंना मिळेल, असेही गडकरी म्हणाले.