धक्कादायक! पैशांच्या वादातून तरुणाची कालव्यात बुडवून हत्या;  मद्यधुंद अवस्थेत मारहाणीचा व्हिडिओ व्हायरल..

मृतक व आरोपी हे दोघेही दुपारच्या सुमारास दारूच्या नशेत नहर परिसरात मासे पकडण्यासाठी गेले होते. दरम्यान आरोपी नारायण मेश्राम याने नरेश दुनेदारवर पैशांची चोरी केल्याचा आरोप केला. या आरोपावरून दोघांमध्ये जोरदार वाद झाला. त्याचे रुपांतर मारहाणीत झाले.  नारायण मेश्रामने नरेशला  बेदम मारहाण केली. या मारहाणीचा व्हिडिओ देखील सध्या व्हायरल होत आहे. मारहाण करता करता नारायणने नरेशला नहरात ओढत नेऊन पाण्यात बुडवून ठार केल्याचे उघड झाले आहे. घटनास्थळावर उपस्थित काही नागरिकांनी हा प्रकार पाहताच लाखांदूर पोलिसांना माहिती दिली.

या घटनेची माहिती होताच पवनीचे उपविभागीय पोलीस अधिकारी लाखांदूरचे ठाणेदार यासह अन्य पोलीस अधिकारी कर्मचाऱ्यांनी तात्काळ घटनास्थळी भेट देत घटनेचा पंचनामा केला. आरोपीला ताब्यात घेऊन हत्या प्रकरणी गुन्हा दाखल करण्यात आला आहे. लाखांदूर पोलिसांनी या प्रकरणी सखोल तपास सुरू केला आहे. परिसरात या घटनेमुळे एकच खळबळ उडाली आहे.