scorecardresearch

Premium

नाशिक : छगन भुजबळ यांना काळे झेंडे, ‘चले जाव’च्या घोषणा, येवल्यात मराठा आंदोलक आक्रमक

अवकाळी पावसामुळे झालेल्या नुकसानीची पाहणी करण्यासाठी येवला मतदारसंघात आलेले राज्याचे अन्न व नागरी पुरवठामंत्री छगन भुजबळ यांना मराठा आंदोलकांच्या विरोधाला सामोरे जावे लागले.

Black flags Chhagan Bhujbal
नाशिक : छगन भुजबळ यांना काळे झेंडे, 'चले जाव'च्या घोषणा, येवल्यात मराठा आंदोलक आक्रमक (छायाचित्र – लोकसत्ता टीम/ग्राफिक्स)

नाशिक – अवकाळी पावसामुळे झालेल्या नुकसानीची पाहणी करण्यासाठी येवला मतदारसंघात आलेले राज्याचे अन्न व नागरी पुरवठामंत्री छगन भुजबळ यांना मराठा आंदोलकांच्या विरोधाला सामोरे जावे लागले. अनेक ठिकाणी भुजबळ यांच्या निषेधार्थ घोषणाबाजी झाली. काळे झेंडे दाखवून ‘चले जाव’च्या घोषणा दिल्या गेल्या. मनमाड चौफुलीवर मराठा आंदोलकांनी ठिय्या आंदोलन केले. या विरोधामुळे भुजबळ यांना काही गावांत पाहणीसाठी जाता आले नाही.

अवकाळी पावसामुळे जिल्ह्यातील ३५ हजार हेक्टरवरील शेतीचे नुकसान झाले आहे. येवला तालुक्यालाही नैसर्गिक आपत्तीचा फटका बसला. शेतीच्या नुकसानीचा आढावा घेण्यासाठी गुरुवारी भुजबळ हे आपल्या येवला मतदारसंघात आले होते. मागील काही दिवसांपासून सकल मराठा समाजाचे मनोज जरांगे आणि भुजबळ यांच्यात वाकयुद्ध होत आहे. मराठा समाजाला ओबीसी आरक्षणात समाविष्ट करण्यास भुजबळांनी विरोध केल्यामुळे मराठा समाजात रोष पसरला आहे. त्याचे पडसाद या पाहणी दौऱ्यात आंदोलनातून उमटले. ठिकठिकाणी मराठा आंदोलकांनी विरोध केला. परिणामी पाहणी करताना भुजबळांच्या ताफ्याला मार्गही बदलावा लागला. सोमठाणे आणि कोटमगाव येथे मुख्य रस्त्यापासून काही अंतरावर मराठा आंदोलक रस्त्याकडे पाठ करून बसले होते. काळे झेंडे दाखवत त्यांनी भुजबळ यांच्या निषेधाच्या घोषणा दिल्या. भुजबळांचा ताफा निघून गेल्यानंतर रस्त्यावर गोमूत्र शिंपडले गेले.

farmers agitation causes massive traffic jam in nashik city
शेतकऱ्यांच्या आंदोलनामुळे नाशिककरांची कोंडी; वन जमिनींच्या प्रश्नावर मंगळवारी मुंबईत बैठक
Dharashiv district Maratha reservation
धाराशिव : तिसर्‍या दिवशीही मराठा आरक्षणाचे आंदोलन तीव्र; उमरग्यात बस पेटवली, कळंबमध्ये दगडफेक, टायर पेटवून चक्काजाम
gadchiroli medigadda dam marathi news, medigadda dam became dangerous marathi news, medigadda dam cracks marathi news
धोकादायक ‘मेडीगड्डा’ धरणामुळे दोन राज्यांतील नागरिकांचा जीव टांगणीला! राजकीय आरोप- प्रत्यारोप
Youth Congress officials pune
पुणे : पोलिसांकडून युवक काँग्रेसच्या पदाधिकाऱ्यांची धरपकड, भाजप कार्यालयाबाहेर आंदोलन करण्याचा डाव फसला

हेही वाचा – हवाई प्रशिक्षणात आभासी प्रणालीवर भर, आर्मी एव्हिएशन स्कूलचा दीक्षांत सोहळा

हेही वाचा – समायोजनासाठी धुळ्यात कंत्राटी आरोग्य कर्मचाऱ्यांचा मोर्चा

विंचूर चौफुलीवर मराठा आंदोलकांनी ठिय्या दिला होता. सोमठाणे गावात नुकसानीची पाहणी भुजबळ करणार होते. परंतु, विरोधामुळे त्यांना या गावात जाता आले नाही. विंचूर चौफुलीवर मराठा आंदोलक एकत्र आले असताना भुजबळ यांनी मुखेड दौरा केल्याची चर्चा आहे. दौऱ्यात कुठलाही अनुचित प्रकार घडू नये म्हणून पोलिसांनी दक्षता घेतली होती. या सर्व घटनाक्रमावर राजकारण्यांना काळे झेंडे दाखविणे काही विशेष नसल्याचे छगन भुजबळ यांनी म्हटले आहे. पावसामुळे शेतकऱ्यांचे दु:ख जाणून घेणे अधिक महत्वाचे असल्याचे ते म्हणाले.

Latest Comment
View All Comments
Post Comment

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Black flags for chhagan bhujbal maratha protestors aggressive in yeola ssb

First published on: 30-11-2023 at 14:57 IST

आजचा ई-पेपर : नाशिक

वाचा
epaper image

संबंधित बातम्या

तुम्ही या बातम्या वाचल्या आहेत का? ×