नाशिक म्युनिसिपल कर्मचारी, कामगार सेना अध्यक्षपदावरून शिवसेना-शिंदे गटात संघर्ष; प्रवीण तिदमे अध्यक्षपदी कायम

हेही वाचा- नाशिक : मातोश्री वारीतून एकनिष्ठ-फुटीरांची शिरगणती ; पडझड रोखण्यासाठी शिवसेना पदाधिकारी माजी नगरसेवकांच्या दारी

घोलप यांच्या निर्णयाला शिंदे गटाचे आव्हान

सेनेला सोडचिठ्ठी देऊन तिदमे हे शिंदे गटात सहभागी झाल्यानंतर शिवसेनेने तातडीने त्यांना म्युनिसिपल कर्मचारी-कामगार सेनेच्या अध्यक्षपदावरून हटविण्याची कारवाई केली होती. या पदावर ते अकार्यक्षम ठरले असून त्यांनी पदाचा गैरवापर केल्याचा आक्षेप नोंदवत ही कारवाई केली गेली. तूर्तास संघटनेचे कामकाज आपणच बघणार असल्याचे घोलप यांनी म्हटले होते. परंतु, त्यांच्या या निर्णयाला शिंदे गटाने आव्हान दिले.

हेही वाचा- नाशिक : कांद्याची घसरण रोखण्यासाठी उपायांची गरज – छगन भुजबळ यांची मुख्यमंत्र्यांकडे मागणी

तिमदे हेच अध्यक्षपदी कायम

संघटनेचा अध्यक्ष बदलाचा, निवडण्याचा वा कारवाईचा संंपूर्ण अधिकार कार्यकारिणीचा आहे. संघटनेच्या कार्यकारिणीची तातडीची बैठक झाली. तिदमे हेच आजही अध्यक्ष असल्याचा ठराव करण्यात आला. घोलप यांना कार्यकारिणीने अध्यक्ष म्हणून निवडलेले नाही. त्यांना स्वत:ला स्वत:चे पद घोषित करण्याचा अधिकार नाही. त्यामुळे तिदमे हेच अध्यक्ष राहतील, असा ठराव मंजूर करण्यात आला. या ठरावाची माहिती कामगार उपायुक्त व मनपा आयुक्तांना देण्याचे निश्चित झाले.