scorecardresearch

Premium

धुळे पोलिसांनो, कार्यालयात उशिरा याल तर सावधान…

कार्यालयीन वेळेचे महत्व अधोरेखीत करतांना त्यांनी सामान्यांच्या पोलीस प्रशासनाकडून दैनंदिन अपेक्षांची पूर्तता करण्यावर विशेष भर दिला आहे.

Dhule Superintendent of Police Shrikant Dhiware punished 10 employees stopping outside office coming late work
धुळे पोलिसांनो, कार्यालयात उशिरा याल तर सावधान… (छायाचित्र- लोकसत्ता टीम)

धुळे: जिल्हा पोलीस अधीक्षक श्रीकांत धिवरे यांनी शुक्रवारी कामावर उशिरा येणाऱ्या १० कर्मचाऱ्यांना कार्यालयाबाहेर थांबवून आपल्या प्रशासकीय कामकाजाचा पहिला धक्का दिला. कार्यालयीन वेळेचे महत्व अधोरेखीत करतांना त्यांनी सामान्यांच्या पोलीस प्रशासनाकडून दैनंदिन अपेक्षांची पूर्तता करण्यावर विशेष भर दिला आहे.

अधीक्षक कार्यालयाच्या इमारतीत स्थानिक गुन्हे अन्वेषण विभाग, वाचक शाखा,आस्थापना विभाग यांसह अनेक शाखा आहेत. हा प्रत्येक विभाग स्वतंत्र असला तरी तो जिल्हा अधीक्षकांच्याच अधिपत्याखाली आहे. यापैकी सामान्यांसाठी दैनंदिन सेवा उपलब्ध करून देणाऱ्या विभागातील प्रमुखांसह अन्य कर्मचाऱ्यांची कार्यालयीन वेळेत उपस्थिती अनिवार्य आहे. यामुळे अधीक्षक धिवरे यांनी शुक्रवारी उशिरा येणाऱ्या कर्मचाऱ्यांकडे मोर्चा वळवला.

PM Narendra Modi
”नव्या सर्वोच्च न्यायालयाच्या संकुलासाठी ८०० कोटी मंजूर”, मोदी म्हणाले, ”नवीन संसद भवनाप्रमाणे…”
ravindra-dhangekar-12
आंदोलन करणाऱ्या मविआच्या कार्यकर्त्यांना पोलिसांची धक्काबुक्की; आमदार धंगेकर म्हणाले, “पुणे पोलिसांची…”
bombay hc quashes fir against college student for rash driving that killed stray dog
वाहनाखाली चिरडून भटक्या श्वानाचा मृत्यू; आरोपी विद्यार्थ्याच्या शैक्षणिक कारकिर्दीवर परिणाम नको, न्यायालयाकडून गुन्हा रद्द
students get financial accounting question paper instead of financial management idol exam
विद्यार्थ्यांच्या हाती ‘आर्थिक व्यवस्थापन’ ऐवजी ‘आर्थिक लेखा’ विषयाची प्रश्नपत्रिका

हेही वाचा… पूल खचल्याने मनमाडमध्ये वाहतूक कोंडीचे संकट; स्थानिकांसह प्रवाश्यांचे हाल

कार्यालयातील दैनंदिन कामकाज वेळेत पूर्ण करण्याचे आदेश त्यांनी यापूर्वीच संबंधितांना दिले होते. असे असतांना अनेकजण कार्यालयात उशिरा येत असून सायंकाळी लवकर घरी निघून जातात, असे अधीक्षक धिवरे यांच्या निदर्शनास आल्याने त्यांनी शुक्रवारी अचानक उशिरा येणाऱ्यांसाठी कार्यालयाचे दरवाजे तूर्त बंद करण्याचे आदेश दिले. बाहेरच थांबविण्यात आल्याने उशिरा येणारे कर्मचारी बुचकळ्यात पडले. विशेषतः महिला कर्मचारी अधिक धास्तावल्या. ओशाळवाणे वाटत असले, तरी मुख्य प्रवेशद्वारासमोर घुटमळण्याशिवाय त्यांच्याकडे दुसरा पर्याय उरला नाही. नंतर कडक शब्दांत समज देऊन त्यांना कामावर हजर होण्याचा आदेश देण्यात आला.

Latest Comment
View All Comments
Post Comment

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Dhule superintendent of police shrikant dhiware punished 10 employees by stopping them outside the office for coming late to work dvr

First published on: 01-12-2023 at 13:38 IST

आजचा ई-पेपर : नाशिक

वाचा
epaper image

संबंधित बातम्या

तुम्ही या बातम्या वाचल्या आहेत का? ×