नाशिक : शिधापत्रिकेवरील धान्याचा काळाबाजार, वाहनातून १२ लाखाचा साठा जप्त

उमराणे येथे महामार्गावर काळ्याबाजारात विक्रीसाठी धान्यसाठा घेऊन जाणारे वाहन देवळा पोलिसांना सापडले. या वाहनात तीन लाख ६० हजार रुपयांच्या सुमारे २४६ गोणी ( प्रत्येकी ५० किलो ) तांदूळ आणि ३७ हजार ५०० रुपयांच्या सुमारे ३० गोणी गव्हाचा साठा ( प्रत्येकी ५० किलो) मिळून आला. शासकीय गोदामातील धान्याचा साठा काळ्या बाजारात विक्रीसाठी नेण्यात येत होता. याबाबत देवळा येथील पुरवठा निरीक्षक ज्योती कपाले यांनी संशयित विजय देवरे (रा उमराणे) आणि योगेश भामरे ( ३२, चालक, रा.खुंटेवाडी, देवळा) यांच्या विरोधात तक्रार दाखल केली. त्यानुसार गुन्हा दाखल करण्यात आला आहे.