धुळे : साड्या आणि इतर वस्त्रांच्या मालाच्याआडून गुटख्याची बेकायदेशीर वाहतूक होत असल्याचा प्रकार धुळे तालुका पोलीस ठाण्याच्या नाकाबंदी पथकाने कुसुंबा-मालेगाव रस्त्यावर उघडकीस आणला. याप्रकरणी चालक, सहचालकाविरुद्ध गुन्हा दाखल झाला असून मालमोटारीसह १० लाख ६२ हजार ८७४ रुपयांचा मुद्देमाल तालुका पोलिसांनी जप्त केला. जिल्हा पोलीस अधीक्षक श्रीकांत धिवरे, अपर अधीक्षक किशोर काळे, उपविभागीय अधिकारी साजन सोनवणे यांचे मार्गदर्शन व सुचनेवरून पोलीस निरीक्षक प्रमोद पाटील यांच्या पथकाने ही कारवाई केली. लोकसभा निवडणूक-२०२४ च्या पार्श्वभूमीवर संपूर्ण धुळे जिल्ह्याच्या सीमावर्ती भागात विविध ठिकाणी तपासणी नाके कार्यान्वित करण्यात आले आहेत. या नाक्यांवर जिल्ह्यातून, दुसऱ्या जिल्ह्यात जा-ये करणाऱ्या वाहनांची कसून तपासणी करण्यात येत आहे.

हेही वाचा : नाशिक : खासगी जागेवर कृषिमाल लिलावामुळे तपासणीसाठी पथके नियुक्त

nashik
नाशिक जिल्ह्यात आज सभांचा धडाका; नरेंद्र मोदींच्या सभेसाठी खास जलरोधक मंडपाची उभारणी
Advertisement Board , Advertisement Board Collapse in Ghatkopar, Mumbai Police, Railway Authorities, Railway Authorities Dispute Ownership,
घाटकोपरमधील बेकायदा फलक आयपीएस अधिकाऱ्यांच्या मंजुरीने उभा, बेकायदा फलक उभारण्यात आलेली जागा रेल्वे पोलिसांचीच
Malabar Hill, Malabar Hill Residents , made unique manifesto, Malabar Hill resident manifesto, Demand Action on Parking, Demand Action on Traffic, arvind sawant, Lok Sabha Elections, Mumbai news, malbar hill news, marathi news,
नेत्यांसाठी रस्ते बंद करू नका, मलबार हिलवासियांचा अनोखा जाहीरनामा; मुख्यमंत्र्यांवर रहिवासी नाराज
mumbai ban on sale of liquor
मद्यविक्री बंदीचा आदेश मतमोजणीच्या निकालापर्यंतच लागू, ठाणे जिल्हाधिकाऱ्यांच्या मद्यविक्री बंदीच्या आदेशात उच्च न्यायालयाकडून सुधारणा
Jalgaon, voting, onion, onion garlands,
जळगाव जिल्ह्यात सरकारच्या निषेधार्थ कांद्याची माळ घालून मतदान
wildlife traffickers, cyber cell,
वन्यजीवतस्करांच्या मुसक्या आवळणार ‘हा’ सायबर सेल; जाणून घ्या सविस्तर…
Sahyadri Tiger Reserve
ताडोबाच्या वाघांचे सह्याद्रीच्या अभयारण्यात स्थलांतर करणार; व्याघ्र संवर्धनात वन्यजीव कॉरिडॉरची महत्त्वाची भूमिका
pregnant woman, water tank,
धक्कादायक ! आठ महिन्यांच्या गर्भवतीला पाण्याच्या टाकीत….

रविवारी धुळे तालुका पोलीस ठाण्याचे निरीक्षक प्रमोद पाटील यांना मिळालेल्या माहितीवरुन सुरतहुन निघालेली मालमोटार कुसुंबामार्गे मालेगांवकडे जात असतांना धुळे तालुका पोलीस ठाण्याच्या हद्दीत अजनाळे गावाच्या शिवारात कुसुंबा-मालेगांव रस्त्यावरील सीमावर्ती तपासणी नाक्यावर रात्री नऊ वाजता थांबविण्यात आली. पोलिसांनी चालक वाहिद पिंजारी, सहचालक शोएब खान (दोन्ही रा. मालेगांव, जि. नाशिक) यांच्याकडे चौकशी केली असता त्यांनी उडवाउडवीची उत्तरे दिली. पोलिसांनी आपला खाक्या दाखवताच दोघांनीही मालमोटारीत महाराष्ट्र राज्यात प्रतिबंधीत असलेला गुटखा असल्याची माहिती दिली. निरीक्षक प्रमोद पाटील यांच्या पथकातील उपनिरीक्षक महादेव गुट्टे, हवालदार कुणाल पानपाटील, विशाल पाटील, कुणाल शिंगणे, धिरज सांगळे, रवींद्र राजपूत यांनी ही कारवाई केली. या कारवाईत साड्या व इतर मालाच्या आडोशाला महाराष्ट्र राज्यात प्रतिबंधीत असलेला पानमसाला व सुगंधीत तंबाखूचा माल मिळून आला. संशयित दोघांविरुद्ध धुळे तालुका पोलीस ठाण्यात गुटखा तस्करीच्या प्रकरणी गुन्हा नोंदविण्यात आला आहे.